بیرلشگن ملتلر تشکیلاتی: ۴،۹ میلیون کیشی‌نینگ افغانستانگه قَیتیشی اساسی خدمتلرگه باسیمنی آشیردی
۸صبح، کابل: بیرلشگن ملتلر تشکیلاتی‌نینگ ترقیات دستوری (UNDP) مملکتگه مهاجرلر‌نینگ کېنگ مقیاسده قَیتیشی اساسی خدمتلر و آست-قورمهلرگه باسیمنی آشیرگنینی معلوم قیلدی.
اوشبو تشکیلات دوشنبه کونی، ۴ عقرب، ایکس صحیفه‌سیده یازیشیچه، ۲۰۲۳-ییلدن ۲۰۲۵-ییلگچه تخمیناً ۴،۹ میلیون کیشی افغانستانگه قَیتگن.
بیرلشگن ملتلر تشکیلاتی‌نینگ ترقیات دستوری اقتصادیاتنی تیکلش لایحه‌سی آرقه‌لی بېلگیلنگن حدودلرده‌گی محلی جماعه‌لرگه تورموش شرایطینی یخشیلش و اساسی خدمتلردن فایده‌لنیش امکانیتینی کېنگه‌یتیریشده یاردم بېره‌یاتگنینی قۉشیمچه قیلدی.
سۉنگگی ییللرده مهاجرلر‌نینگ افغانستانگه قَیتیشی تیریکچیلیکنی تأمینلش و اساسی خدمتلردن فایده‌لنیش باره‌سیده ینگی معمالرنی یوزه‌گه کېلتیردی.
ایش ا‌ۉرینلرینی یره‌تیش و محلی جماعه‌لرنی قۉللب-قوّتلش قَیتیب کېلگنلرگه یاردم بېریش همده آست-قورمهلرگه توشه‌یاتگن باسیمنی کمه‌یتیریش اوچون مهم احتیاجلردن حسابلنه‌دی.
