اوچا: افغانستانده ۱۲ میلیون دن آرتیق باله انسان پرورلیک یاردم گه محتاج دیر
۸صبح، کابل: بیرلشگن ملتلر تشکیلاتی نینگ افغانستان اوچون انسان پرورلیک یاردملرینی هماهنگ قیلووچی اداره‌سی (اوچا) گه کوره، میلادی اوشبو ییلده افغانستانده قریب ۲۳.۷ میلیون کیشی جمله دن ۱۲.۳ میلیون باله انسان پرورلیک یاردملر گه محتاج دیر.
اوچا ۸ ثور، شنبه کیچه طالبان حاکمیتیده افغانستاندهگی وضعیت گه دایر گزارشی که مارچ آی ده تیارلنگن، بو نهاد مملکتده انسانی انقراض حلی اوچون ۱.۷ میلیارد دالر گه نیازمندلیگینی یازگن.
گزارش اساسیده، مملکتلر و یاردم بیرووچی نهادلر حاضرگچه اوشبو بودجه نینگ ۳۵ فایزینی تامینله‌گنلر.
مذکور نهاد گه کوره، مارچ آی سویدن، بیرلشگن عرب امیرلیگی و یونیسف اداره‌سی افغانستان گه کوپراق یاردم بیرگنلر.
اوچا اوشبو گزارش ده افغانستانده انسانی وضعیت نی انقراضلی دیب آگاه‌لنتیرگن.
مذکور نهاد نینگ کوپه‌یتیریشیچه، برچه معمالر گه قوشیمچه مملکتده‌گی سۉنگی یاغینگرچلیکلر افغانلر نینگ تیریکچیلیگی اوستیگه سلبی تاثیر قویگن.
اوشبو گزارش اساسیده، یالغیز میلادی اۉتگن آی ده افغانستان نینگ تورلی منطقه‌لریده سوو تاشقینلری عاقبتیده بیر مینگ ۵۰۰ ایکینچیلیک ییر یوق بولیب و مملکت نینگ ییتّی ولایتیده قریب ۵۴۰ یشش اوی بوزیلگن.
بو نهاد نینگ معلومات‌لری اساسیده، سوو تاشقینلریدن کوپراق فاریاب، ننگرهار و دایکندی ولایت‌لری نینگ یشاوچیلری زیان کورگن.
افغانستان اوچون انسان پرورلیک یاردملرنی هماهنگ قیلووچی نهاد افغانستان یشاوچیلری نینگ وضعیتی گه اشاره قیلیب ایتیشیچه، مارچ آی ده مملکتده کمیده ۹۴۸ مینگ ۹۷۵ کیشی جمله دن ۳۹ مینگ ۲۴۶ باله گه طبی خذمت کورسه‌تیلگن.
اوچا نینگ معلوماتی اساسیده، بیرلشگن ملتلر تشکیلاتی نینگ باله‌لردن حمایت قیلووچی صندیغی (یونیسف) اوشبو مدت ایچیده افغانستانده بیش میلیون ۴۳۲ مینگ کیشی که اولر نینگ یریمینی باله‌لر تشکیل بیره‌دی، طبی خذمت کورسه‌تگن.
اوشبو گزارش ده کېلیشیچه، ۲۵ دن ۳۱ مارچ گه قدر مملکت نینگ آلتی ولایتیده قیزه‌میققه گمانلنگن بیر مینگ ۴۳۵ کیشی و اوشبو کسللیک طفیلی توقیز کیشی نینگ اولیمی قید اېتیلگن.
عین‌حالده، نیچه آی آلدین اوچا میلادی اوشبو ییلده افغانستانلیک ۲۳.۷ میلیون کیشی که اولر نینگ ۵۲ فایزینی خاتین قیزلر تشکیل بیره‌دی، انسان پرورلیک یاردملر گه محتاج‌لیگینی اعلام قیلگن اېدی.
