اوچا طبیعی آفتلردن ضرر کۉرگنلرگه یاردم بېریش بۉلیمیده مبلغ یېتیشماوچیلیگی کېسکین اېکنینی معلوم قیلدی
۸صبح، کابل: بیرلشگن ملتلر تشکیلاتی‌نینگ انسانپرورلیک یاردم‌لرنی موافقلشتیریش اداره‌سی (اوچا) اَیتیشیچه، طبیعی آفتلر، مجبوری کۉچیش و مجبوری قَیتریشلرگه دوچ کېله‌یاتگن جماعه‌لرنی قۉللب-قوّتلش اوچون ضرور بۉلگن مبلغ‌نینگ اتیگی ۴،۷ فایزی تامینلنگن.
اوشبو تشکیلات چهارشنبه کونی، ۴-سنبله، ایکس صحیفه‌سیده خوفسیز باش‌پناه اساسی احتیاجلردن بیری اېکنینی، بیراق بو ساحه‌ده یاردم کۉرسه‌تووچی تشکیلاتلر مبلغ‌نینگ کېسکین یېتیشماوچیلیگیگه دوچ کېله‌یاتگنینی یازدی.
بیرلشگن ملتلر تشکیلاتی بو مقدار ۱۶۰ میلیون دالرلیک ضرور بودجه‌دن ۱۵۳ میلیون دالرلیک کم‌آمد موجودلیگینی کۉرسه‌تیشینی اَیتدی.
بو حالت خلق‌ارا تشکیلاتلر و بیرلشگن ملتلر تشکیلاتی تامانیدن تقدیم اېتیلگن حساباتلرگه کۉره، افغانستان دنیاده‌گی اېنگ کېنگ کۉلملی انسانپرورلیک انقراضلردن بیریگه دوچ کېله‌یاتگن بیر پیتده یوز بېرماقده.
کېنگ کۉلملی ایشسیزلیک، عیاللرگه قرشی چېکلاولر، مملکت‌نینگ یکّه‌لنیشی و مینگلب مهاجر عایله‌لر‌نینگ مملکتگه مجبوری قَیتریلیشی حاضرگی انسانپرورلیک انقراض‌نینگ کوچه‌ییشیگه سبب بۉلگن.
