اسلامی همکارلیک تشکیلاتی افغانستان وضعیتی گه دایر گامبیا ده ییغیلیش اۉتکزه‌دی
اسلامی همکارلیک تشکیلاتی «افغانستان وضعیتی» گه دایر گامبیا ده ییغیلیش اۉتکزیشیدن خبر بیرگن.
بو تشکیلات ۳۰ دلو، دوشنبه کیچه، ایکس صحیفه‌سیده یازیشیچه، اوشبو ییغیلیش اسلامی مملکت‌لر وکیللری نینگ اشتراکی بیلن یولگه قوییلیشی ممکن.
اسلامی همکارلیک تشکیلاتی گه کوره، مذکور تشکیلات نینگ «تشقی ایشلر وزیرلری شوراسی» عنوانیده باشقه ییغیلیش کامرون ده یولگه قوییله‌دی.
اوشبو تشکیلات نینگ کوپه‌یتیریشیچه، اسلامی همکارلیک تشکیلاتی نینگ مخصوص وکیلی طارق علی بخیت دوحه ییغیلیشی دایره‌سیده، افغانستان اوچون مملکت‌لر نینگ مخصوص وکیللریدن بیرقطاری بیلن اوچره‌شگن.
او اوچره‌شوولری دایره‌سیده افغانستان نی قۉللب-قوتلش و طالبان بیلن مذاکره قیلیش اۉستیگه تاکید ایتگن.
بیرلشگن ملتلر تشکیلاتی باش کاتبی نینگ میزبان‌لیگی بیلن دوحه ایکّی کون‌لیک ییغیلیشی ۱۸ و ۱۹ فبروری کون‌لری یولگه قوییلگن اېدی، اوتگن کون یکونلندی.
بیرلشگن ملتلر تشکیلاتی نینگ باش کاتبی آنتونیو گوترش، اوشبو ییغیلیشنی اونیملی دیب و دنیا همجمعیت نینگ طالبان بیلن همکارلیک قیلیشی اوچون حاضرگچه بعضی قیینچیلیک‌لر بارلیگینی معلوم قیلگن.
ایتیش کېره‌ک که اوشبو ییل سنبله آی ده جهان اسلام مذهبی نهادلری و اسلامی همکارلیک تشکیلاتی، خلق‌ارا اسلامی فقه ییتکچیلیگیده هیأت نی افغانستان گه یوبارگن اېدی.
گرچند اوشبو هیأت طالبان عملدارلری بیلن مدارا و اعتدال و عیاللر نینگ تعلیم و ایش حقی باره‌سیده مذاکره قیلگن، بیراق بو گروه مملکت ده انسان حقلری رعایت ایتیلیشی خصوصیده خلق‌ارا طلب‌لردن هیچ بیری گه حاضرگچه مثبت جواب قیتیرمه‌گن.
