پولند چېگره قۉریقلش خدمتی افغانستان وطنداشلری هم بۉلگن ۵۴ نفر مهاجر قۉلگه آلینگنینی معلوم قیلدی
۸صبح، کابل: پولند چېگره قۉریقلش خدمتی لیتوانیادن پولندگه ناقانونی روشده کیریشگه اورینگن ۵۴ نفر مهاجرنی، جمله‌دن افغانستان نینگ ۱۵ نفر وطنداشینی قۉلگه آلگنینی معلوم قیلدی.
پولند چېگره قۉریقلش خدمتی، جمعه کونی، ۱۲ سرطان، اعلان قیلگن بیاناتیده اوشبو مهاجرلر قانونی حجتلرگه اېگه بۉلمه‌گنینی و یوک مو‌تری نینگ کانتنریده یشیریلگن حالده آلیب کېتیله‌یاتگنینی بیلدیرگن.
بیاناتگه کۉره، پولندگه چېگره قۉریقلش خدمتی قۉلگه آلینگن مهاجرلر آره‌سیده پاکستان نینگ ۳۰ نفر و بنگله‌دېش نینگ ۹ نفر وطنداشی هم بارلیگینی معلوم قیلگن.
پولند چېگره قۉریقلش خدمتی معلوماتیگه کۉره، قانونی حجتلرگه اېگه بۉلمه‌گن اوشبو مهاجرلر ینه لیتوانیا‌گه قَیتریله‌دی.
افغانستان نینگ کۉپلب وطنداشلری کېنگ ترقه‌لگن قشّاقلیک، ایش ا‌ۉرینلری نینگ یۉقلیگی و یخشیراق حیاتگه اېریشیش امیدیده اروپا دولتلریگه یېتیب باریش اوچون خوفلی ناقانونی یۉللرنی تنله‌ماقده.
