طالبان: سۉنگگی آلتی کون ایچیده قریب تۉرت مینگ کیشی افغانستانگه قَیتدی
۸صبح، کابل: طالبان سۉنگگی آلتی کون ایچیده ۸۱۹ عایله، جمعی ۳ مینگ ۸۵۰ کیشی مجبوری روشده افغانستانگه قَیتگنینی معلوم قیلدی.
طالبان سۉزلاوچیسی اۉرین‌باسری حمدالله فطرت چهارشنبه کونی، ۶ عقرب، اعلان قیلگن بیاناتیده اَیتیشیچه، ۱۹۹ عایله، جمعی ۹۹۹ کیشی ننگرهار ولایتیده‌گی تورخم چېگره‌سی آرقه‌لی مملکتگه قَیتگن.
فطرت‌نینگ سۉزلریگه کۉره، ۴۹۸ عایله، جمعی ۲ مینگ ۱۹۶ کیشی نیمروز ولایتیده‌گی ابریشم کۉپریگی آرقه‌لی مملکتگه قَیتگن.
شونینگدېک، ۵۷ عایله، جمعی ۳۲۷ کیشی قندهار ولایتیده‌گی سپین‌بولدک چېگره‌سی آرقه‌لی، ۶۵ عایله، جمعی ۲۲۸ کیشی اېسه هرات ولایتیده‌گی اسلام‌قلعه چېگره‌سی آرقه‌لی افغانستانگه کیریب کېلگن.
بوندن بیر کون آلدین بیرلشگن ملتلر تشکیلاتی حسابات اعلان قیلیب، سۉنگگی اوچ ییل ایچیده قریب ۴،۹ میلیون مهاجر افغانستانگه قَیتگنینی معلوم قیلگن اېدی.
اوشبو تشکیلات‌نینگ اَیتیشیچه، مهاجرلر‌نینگ عامه‌وی قَیتیشی اساسی خدمتلر و ایش بیلن تأمینلنیش امکانیتلریگه بۉلگن باسیمنی کوچه‌یتیرگن.
