پنجاب ایالتی نینگ اخبارات وزیری حجتسیز افغان مهاجرلرنی گزارش قیلگنلر اوچون نقد مکافاتنی رد اېتدی
۸صبح، کابل:پاکستان نینگ پنجاب ایالتی اخبارات وزیری ،عظما بخاری، حجتسیز افغانلر حقیده خبر بېرووچیلر اوچون نقد مکافات بېلگیلنگنلیگی حقیدهگی گزارش لرنی رد اېتدی.
بخاری، ۲۸ – عقرب، چهارشنبه کونی، پنجاب فقط معلوماتلرنی تېکشیریش و عملدارلر اوچون ایشانچلی معلومات آلیش امکانینی بېرووچی یگانه گزارش میکانیسمینی ایشگه توشیرگنینی معلوم قیلدی.
او تاکیدلشیچه، افغان مهاجرلر سیاستینی ثمرهلی عملگه آشیریش اوچون فدرال حکومت سیاستی برچه ایالتلرده بیر خیل طرزده تطبیق اېتیلیشی کېرهک.
آلدینراق، بعضی گزارشلر پنجاب ایالتیده حجتسیز افغانلرگه قرشی کېنگ قمراولی عملیات باشلنگنلیگی و حجتسیز مهاجرلر حقیده خبر بېرووچیلر اوچون نقد مکافات بېلگیلنگنلیگی حقیده خبر بېرگن اېدی.
