ریچارد بنت: بروکسل‌ده طالبان بیلن اوچره‌شوو افغان عیاللریگه نسبتاً حقارت دیر
۸صبح، کابل: بیرلشگن ملتلر تشکیلاتی‌نینگ افغانستان انسان حقوقلری بۉییچه مخصوص گزارشگری ریچارد بنت، بروکسل‌ده طالبان بیلن اوچره‌شوو افغانلرگه، اینیقسه عیاللرگه نسبتاً حقارت اېکنینی ایتدی.
ریچارد بنت، دوشنبه کونی، ۱ سرطان، ایکس صحیفه‌سیده یازیشیچه، انسان حقوقلری و قاچقینلر حقوقیگه عاید قانونلرگه حرمت بیلن یانده‌شیش ضرور.
ریچارد بنت بیرلشگن ملتلر تشکیلاتی‌نینگ انسان حقوقلری بۉییچه عالی کمیساری فولکر تورک‌نینگ تېزکار دېپورت‌لرگه رخصت بېرووچی اروپا اتفاقی‌نینگ ینگی قاعده‌لریدن افسوس بیلدیرگن بیاناتینی قۉللب-قوّتلشینی ایتدی.
بنت افغان باش‌پناه ایزلاوچیلری خوفسیز بۉلمه‌گن شرایطلرگه قَیتریلمسلیگی کېره‌کلیگینی تأکیدله‌دی.
دیمک، سۉنگگی هفته‌لرده افغان قاچقینلرینی دېپورت قیلیش مسأله‌سی یوزه‌سیدن مذاکره اۉتکزیش اوچون طالبان هیاتی‌نینگ اروپا اتفاقی تامانیدن تکلیف قیلینگنی حقیده خبرلر ترقه‌لگن.
