سجاد حیدرخان: ایشانچلی ویزه‌گه اېگه بۉلگنلر پاکستانده اۉقیشنی دوام اېتتیره‌دی
۸صبح، کابل: پاکستان تشقی ایشلر وزیرلیگی سۉزلاوچیسی سجاد حیدرخان افغانستانلیک طلبه‌لرنی چیقریب یوباریش حقیده پاکستان طبیات کېنگشی قرار قبول قیلگنی تۉغریسیده‌گی خبرلر ترقه‌لگنیدن سۉنگ، عملده‌گی ویزه‌گه اېگه بۉلگنلر پاکستانده تعلیم آلیشلری ممکنلیگینی اَیتدی.
پاکستان‌نینگ عرب‌نیوز نشری پنج‌شنبه کونی، ۱۹-سنبله، پاکستان تشقی ایشلر وزیرلیگی مطبوعات کاتبی مطبوعات انجمنیده بو مساله‌نی بیان قیلگنینی خبر قیلدی.
خبرگه کۉره، پاکستان تشقی ایشلر وزیرلیگی سۉزلاوچیسی پاکستانده‌گی تعلیم دستورلریگه رۉیخطدن اۉتگن، عملده‌گی ویزه‌گه اېگه افغانستانلیک طلبه‌لرگه اوشبو مملکتده اۉقیشنی دوام اېتتیریشگه رخصت بېریلیشینی اَیتگن.
او اسلام‌آباد اوشبو مملکتده تحصیل آله‌یاتگن افغانستانلیک طلبه‌لرگه نسبتاً «تۉلیق تقیق» جاری اېتمه‌گنینی تاکیدله‌گن.
خان اَیته‌دی: «عملده‌گی ویزه‌گه اېگه بۉلگن و تن آلینگن تعلیم دستورلریگه رۉیخطدن اۉتگنلر پاکستانده اۉقیشنی دوام اېتتیره‌دی و تعلیمینی یکونله‌یدی.»
بو حالت پاکستان طبیات کېنگشی یقینده اوشبو مملکتده‌گی طبیات یۉنه‌لیشیده تحصیل آله‌یاتگن طلبه‌لرنی چیقریب یوباریش حقیده قرار قبول قیلیب، بیلیم یورتیلرگه ینگی طلبه‌لرنی رۉیخطگه آلیشدن باش تارتیش حقیده کۉرسه‌تمه بېرگن بیر پیتده یوز بېرماقده.
