منبعلر: شبرغانده ۲۸ یاشلی ییگیت آتیب اۉلدیریلدی
۸صبح، جوزجان: منبعلر جوزجان ولایتی مرکزی شبرغان شهریده ۲۸ یاشلی ییگیت‌نینگ اۉلدیریلگنی حقیده خبر بېردی.
منبعلر پنج‌شنبه کونی، ۱۴ عقرب، ۸صبح گزېته‌سیگه معلوم قیلیشیچه، مذکور ییگیت اۉققه توتیلیب اۉلدیریلگن.
عینی پیتده، طالبان اوشبو حادثه، چهارشنبه کونی اېرته‌لب، ۱۳ عقرب، بیر نانوایخانه‌ده صادر بۉلگنینی معلوم قیلگن.
طالبان‌نینگ اَیتیشیچه، حادثه عایله‌وی کېلیشماوچیلیکلر آرتیدن یوز بېرگن و شو مناسبت بیلن تۉرت کیشی حبسگه آلینگن.
بو حالت سۉنگگی آیلرده مملکت‌نینگ تورلی حدودلریده سِرلی قاتللیکلر و قوراللی زۉرآورلیکلر کۉپه‌یگن بیر پیتده یوز بېرماقده.
اوشبو حادثه‌لر مملکتده خوفسیزلیک بیلن باغلیق وضعیت یامانلشیب باره‌یاتگنی حقیده‌گی خواطرلرنی ینه‌ده کوچه‌یتیرماقده.
