امریکا‌نینگ پنسلوانیا ایالتیده «اۉزبېک تیلی ملی کونی» نشانلندی
۸صبح، کابل: «اۉزبېک تیلی ملی کونی» مناسبتی بیلن امریکاده استقامت قیلووچی افغانستان جماعه‌سی وکیللری، مدنیت نماینده‌لری، صنعتکارلر و شاعرلر اشتراکیده مدنی-ادبی تدبیر فیلادلفیا شهریده بۉلیب اۉتدی.
اوشبو دستور یک‌شنبه کونی، ۲۶-مېزان، تېمور مدنی-اجتماعی اویوشمه‌سی تشبثی بیلن اۉزبېک تیلینی اسره‌ب-اوه‌یلش، افغانستان اۉزبېکلری‌نینگ مدنی و ادبی میراثینی تنیشتیریش همده مدنی قدریتلرنی کېله‌جک اولادلرگه یېتکزیش مقصدیده تشکیل اېتیلدی.
ایندیانا بیلیم یورتی استادی، پروفسور داکتر نظیف شهرانی، تدبیرده افغانستان اۉزبېکلری و تورکمنلری‌نینگ تاریخی همده موقعی، شونینگدېک، اۉزبېک تیلی‌نینگ تاریخی و مدنی اۉزلیکنی سقلشده‌گی اۉرنی حقیده معروضه قیلدی.
شونینگدېک، موسیقی چیقیشلر قِسمیده فرهاد دریا، خیرمحمد چاووش و سید کبیر کمال کبی بیر قطار صنعتکارلر قۉشیقلر اجرا اېتدیلر.
شعرلر اۉقیش، باله‌لر اوچون ادبی دستورلر همده اۉزبېکلر‌نینگ عنعنوی طعاملری و ملی کییملری کۉرگزمه‌سی مراسم‌نینگ باشقه قِسملریدن بۉلدی.
تدبیر یکونیده مدنی و اجتماعی ساحه‌لرده‌گی سعی-حرکتلری اوچون صنعتکارلر، همکارلر همده تېمور مدنی-اجتماعی اویوشمه‌سی‌نینگ فعال اعضالری تقدیرلندی.
