اردوغان غزه‌ده‌گی جنایتلر اوچون مسؤول شخصلر‌نینگ جوابگرلیککه تارتیلیشینی طلب قیلدی
تورکیه جمهور باشلیغی رجب طیب اردوغان، غزه و منطقه‌‌نینگ باشقه حدودلریده صادر اېتیله‌یاتگن جنایتلرنی «انسانیتگه قرشی جنایت» دېب قاره‌لب، مملکتی بو حرکتلر اوچون مسؤول بۉلگنلرنی جوابگرلیککه تارتیش اوچون حرکت قیلیشینی اَیتدی.
اردوغان سه‌شنبه کونی ۲۸-سپتمبر، ایکس صحیفه‌سیده یازیشیچه، اونینگ فکریچه، غزه‌ده ۷۴ مینگ فلسطینلیک‌نینگ اۉلیمیگه علاقه‌دار بۉلگن شخصلر، شونینگدېک، لبناندن سوریه‌گچه بۉلگن حدودلرده «قۉرقوو و واهمه» ترقه‌ته‌یاتگنلر قانون آلدیده جواب بېریشی کېره‌ک.
اونینگ قۉشیمچه قیلیشیچه، تورکیه بو شخصلر قانون آلدیده جوابگرلیککه تارتیلمه‌گونچه، اۉز یانده‌شوویدن چېکینمه‌یدی.
تورکیه جمهور باشلیغی، مملکتی اۉزی «حقیقت» دېب بیلگن نرسه‌لرنی بیان قیلیشده و «حقیقت‌لر»نی یېتکزیشده دوام اېتیشینی تأکیدله‌دی.
