طالبلر: افغانستانلیک قریب ۶۰ کیشی بلاروس قماقخانه‌لریده سقلنماقده
۸صبح، کابل: مسکوده طالبلر ایلچیخانه‌سی‌نینگ مصلحتچیسی عبدالله یاسر، افغانستانلیک قریب ۶۰ کیشی بلاروس قماقخانه‌لریده سقلنماقده‌لیگینی بیلدیرگن.
یاسر ۲-سنبله، یک‌شنبه کونی یېتکرمه‌لر بیلن صحبتده، اوشبو محبوس‌لر باره‌سیده تیزلیک بیلن قرار قبول قیلینیشی ممکن دیگن.
ایکی کون آلدین مسکوده طالبلر ایلچیخانه‌سی، عبدالله یاسر باشچیلیگیده اوشبو گروه‌نینگ هیأتی بلاروس گه سفر قیلگنیدن خبر بیرگن ایدی.
اوشبو سفر ده، طالبلر عملدارلری محبوس‌لر بیلن اوچره‌شگن.
گزارشلر اساسیده، بو کیشیلرنینگ اکثریتی بلاروس‌دن اروپا مملکتلریگه ناقانونی اوتیش پیتیده حبس گه آلینگنلر.
بلاروس دولتی، حبس گه آلینگن افغان مهاجرلرنی آشیریب و اولرنی افغانستان گه قیتریشینی بیلدیرگن.
طالبلرنینگ افغانستان گه حاکم بولگنیدن سۉنگ، یاشلرنینگ ناقانونی یوللر آرقه‌لی اروپا دولتلریگه قاچیشی آرتیب بارماقده.
