طالبان قندوز ده محلی بیر ژورنالیست نی قولگه آلدی
۸صبح، قندوز: محلی منبعلر قندوز ده محلی بیر ژورنالیست عبیدالله احمدی طالبان تامانیدن قولگه آلینگنیدن خبر بیره‌دیلر.
منبعلر نینگ ۸صبح کونده‌لیگی گه ایتیشلریچه، طالبان استخبارات کوچلری احمدینی ۵ حمل، یک‌شنبه کونی، قندوز «هتل شهرداری» ده بیر ییغیلیش‌دن گزارش توپلش پیتیده قولگه آلگنلر.
عبیدالله احمدی «یک» خصوصی تلویزیون نینگ محلی خبرنگاری دیر.
منبعلر گه کوره، طالبان استخبارات کوچلری اۉتگن کون عبیدالله احمدی بیلن بیرگه باشقه اوچ خبرنگارنی هم قولگه آلگنلر، بیراق اولرنی نیچه ساعت دن سۉنگ قوییب یوبارگن.
ینگی‌لیکده افغانستان خبرچیلر مرکزی مملکتده‌گی یېتکرمه‌لر و ژورنالیست‌لر اېرکین اېمس و قانونی حقوق‌لریدن فایده‌لنه آلمهی و اېریم چېکلاولر بیلن دوچ بولیب و کېنگ کولمده کم‌سیتیلیش‌لرینی معلوم قیلگن.
بو نهاد ۱۴۰۲ ییلده ۸۰ مورد تهدید و ۵۹ مورد قولگه آلینیش شامل ژورنالیست‌لر و یېتکرمه‌لر حقوقی نقض اېتیلیشی گه دایر ۱۳۹ مورد نی ثبت اېتگن.
