طالبان‌نینگ مدرسه قوریشی؛ ایکّی ییل‌ده غورده ۳۵۰ته مدرسه قوریلگن
۸صبح، هرات
طالبان سۉنگی ایکّی ییل ایچیده غورده ۳۵۰ گه یقین دینی مدرسه قورگن. اوشبو ولایتده‌گی مذکر گروه نینگ محلی عملدارلری مدرسه قوریش جریانیدن ممنون اېکنلیکلرینی بیلدیریب، طالبان نظارتی آستیده‌گی معارف وزیرلیگیدن اوشبو ولایتده‌گی دینی مدرسه‌لر اوچون ۵۰۰ ا‌ۉرین اجره‌تیشنی سۉره‌گن. عینِ پیتده اوشبو ولایت نینگ بیر قطار مدنی فعاللری و اهالی مدرسه‌لر قوریلیشی و باله‌لرنی بو جایلرگه جلب قیلیش بۉییچه اعتبار کوچه‌ییب باره‌یاتگنیدن کتّه تشویش بیلدیریشدی. اولر نینگ ایتیشیچه، طالبان نینگ مدرسه قوریشگه حددن تشقری اعتبار قره‌ته‌‌یاتگنی آدملرنینگ مکتبلرگه، زمانه‌وی بیلیملرگه بۉلگن قیزیقیشینی پسه‌یتیرگن. اولرگه کۉره، بو مدرسه طلبه‌لری کفر و قاتللیک فتوالرینی بېریشماقده، اگر وضعیت شونده‌ی دوام اېتسه، بو ولایتده احوال نظارت بۉلمس حالگه کېله‌دی.
غورده‌گی طالبان معارف ریاستی باشلیغی حفیظ الله محفوظ نینگ ایتیشیچه، بو گروه افغانستانده نظارت اۉرنتگچ، بو ولایتده ۳۵۰ ته دینی مکتب آچگن. اونینگ تأکیدلشیچه، غور ولایتیده دینی مدرسه‌لرنینگ تشکیل اېتیلیشی یاشلرنینگ بیلیم سویه‌سینی آشیریشده ایجابی اۉزگریشلرگه آلیب کېلدی.
بو محلی طالبان رسمیسی قۉشیمچه قیلدی: «معارف وزیرلیگی تامانیدن دین عالِملری اوچون ۳۵۰ گه یقین دینی مدرسه‌لر قوریلگن. بیزده موجود بۉلگن رسمی و دولت مکتبلریگه۱۷۲ ته لوازم قۉشیلدی. او اوشبو گروه نظارتی آستیده‌گی معارف وزیرلیگی غورده‌گی خصوصی و طالبان دینی مدرسه‌لریگه ینه ۵۰۰ ته ا‌ۉرین اجره‌تیشیگه امید بیلدیردی.
شو بیلن بیرگه، مملکت طالبان قۉلیگه اۉتگونگه قدَر مدنی فعالیتی بیلن شغللنگن بیر قطار یاشلر و آدملر اوشبو گروه تامانیدن دینی مدرسه‌لر قوریلیشینی تشویشلی دېب حسابله‌یدی. اولرگه کۉره، طالبان نینگ مدرسه قوریشگه، مکتبلرنی اونوتیشگه اورینیشی خواطر اویغته‌دی. بو مدنی فعاللرنینگ تأکیدلشیچه، اگر حاضرگی حالت دوام اېتسه، تېز آره‌ده «مکتب فاتحه‌سی» اۉقیله‌دی.
اولر خواطر بیلدیرر اېکن، طالبان حاکمیتنی قۉلگه کیریتگچ، باله‌لر، اۉسمیرلر و یاشلر «گروه‌لری» طالبان مکتبلریگه باریب، او یېرده افراطیت بۉییچه تعلیم آلگنینی ایتیشه‌دی.
طالبان حاکمیت تېپه‌سیگه کېلگونیگه قدَر مدنی فعالیتی بیلن شغللنگن غور یاشلریدن بیری قادر (مستعار) شونده‌ی دېیدی: «بو ولایت مدرسه و مدرسه طلبه‌لری بیلن تۉلیب-تاشگن، بو کونلرده مکتب حکایه‌سی ساووقلشیب کېتدی». ۸صبح کونده‌لیگی بیلن صحبتده او قۉشیمچه قیلدی: «بیز حاضر آوازیمیزنی کۉتره‌لمه‌یمیز، اما حاضرگی وضعیت جوده خوفلی دیر. قه‌یېرگه قره‌سک، مدرسه قوریلگن. حددن تشقری، لېکن دینی بیلیمی پس و افراطی ملالرنی اۉزیگه تارته‌دی.
غورده‌گی بو سابق مدنی فعالی جمهوریت توزومی قوله‌شی بیلن اۉقوچیلر و محصللرنینگ اۉقیشنی دوام اېتتیریشگه بۉلگن قیزیقیشی په‌سه‌ییب کیتدی و طالبلر هم بو ساحه‌ده ذهنیت سازلیکنی شکللنتیرگنینی تأکیدله‌یدی. اونینگ سۉزلریگه کۉره، مکتبلرنینگ احوالیگه اعتبار بېرمسلیک اۉقووچیلرنی توشکونلیککه سالگن.
«مدرسه‌گه قره‌گنده، مکتب‌گه ایللیک فایز هم اعتبار بېریلمه‌یدی. «بیز کۉره‌یاتگن نرسه مکتبلرنینگ اۉرنینی باسه‌یاتگن مدرسه‌لر و بو جوده خوفلی دیر».
باشقه تاماندن، غورنینگ ینه بیر یشاوچیسی عارف (مستعار) دینی مدرسه‌لرده باله‌لر بارلیگیدن خواطرده. اونینگ فکریچه، وایه‌گه یېتمه‌گن باله‌لرنینگ بارلیگی جمعیتده افراطیت نینگ کوچه‌ییشیگه سبب بۉلماقده. او قۉشیمچه قیله‌دی: “بو حالت ایکّی ییلدن کمراق دوام اېتر اېکن، مدرسه اۉقووچیلری “سقالسیز آدملرگه «قتل حکمی» بېره‌دیلر. غوریلیک بو ییگیت شونده‌ی دېیدی: «وضعیت خواطرلی. برچه یاش باله‌لر ییغیلیب، مدرسه‌گه آلیب کېتیلدی. غورده‌گی اۉشه مکتب اۉقووچیلری سابق عسکرلرنی اۉلدیریش اوچون فتوا بېریشه‌دی. گواه بۉلگنمن کی، اۉقیتووچی نینگ معاشینی سعودیه عربستانی، پولیس نینگ معاشینی اېسه امریکا تۉله‌یدی، دېییشگن و شو سببلی سابق عسکرلرنی اۉلدیریش جهاد حسابلنه‌دی. مسجدنینگ بلندگولری اولرنینگ اختیاریده؛ اۉلدیریشگه فتوا بېریشه‌دی».
طالبان بو ولایت نینگ هر بیر تومنیده یاتاقخانه بیلن جهازلنگن دینی مدرسه قوره‌یاتگن بیر پیتده بو خواطرلر کۉتریلماقده. سۉنگی حالتده طالبان معارف وزیرلیگی نینگ مالیه و محاسبه بۉلیمی باشلیغی صدرالدین سعد غورگه سفریده، طالبان مدرسه‌لر اوچون یاتاقخانه‌لر تشکیل اېتیلگنینی فاش قیلدی. افغانستان نینگ هر بیر تومنیده یاتاقخانه بیلن جهازلنگن دینی تعلیم مدرسه‌لر تشکیل اېتیلیشینی و اولرنینگ عملی ایشلری باشلنگنینی ایتدی.
بو طالبان رسمیسی غور ولایتی نینگ دولینه تومنیگه تشریفی چاغیده اوشبو تومنده‌گی ۵۰ ا‌ۉرینگه مۉل‌جللنگن مدرسه یاتاقخانه‌سی برچه ضرور جهازلر و معیشی شرایطلرگه اېگه تېز آره‌ده قوریلیشینی ایتدی.
طالبان مدرسه‌لر قوریشنی باشله‌دی، عینِ پیتده بیر قطار دینی مدرسه‌لر و مسجدلر طالبان نینگ سۉنگی ۲۰ ییل ایچیده مهم ته‌ینچلری و یاللش مرکزلری بۉلگن. اۉشه مدرسه‌لرنینگ اۉنلب امام-خطیبلری و اۉقیتووچیلری جمهوریت توزومی اۉرنه‌تیلیشی دوریده اوّلگی حکومتگه قرشی فتوالر بېریشگن.
حاضر افغانستانده ایکّی ییل و اوچ آی طالبان حکمرانلیگیدن سۉنگ هر بیر ولایتده یوزلب دینی مدرسه‌لر تشکیل اېتیلگن. ملا هبت‌الله نینگ بویروغی اساسیده بو گروه هر بیر ولایتده «کتّه جهادی مدرسه» و هر بیر تومنده بیر نېچته دینی مدرسه‌لر تشکیل اېتگن، مملکتده طالبان یاردمیده اۉنلب نا رسمی مدرسه‌لر هم قوریلگن.
