«پولیوسیز افغانستان» تشکیلاتی بالهلرنی فلج کسللیگیگه قرشی اېملشگه اورغو بېردی
۸صبح، کابل: «پولیوسیز افغانستان» تشکیلاتی عایلهلردن فرزندلرینی ینگی پولیوگه قرشی اېملش کمپنیسیده اېملهتیشلرینی و مملکتده اوشبو کسللیکنی یۉق قیلیشگه اۉز حصهلرینی قۉشیشلرینی سۉرهدی.
اوشبو تشکیلات شنبه کونی، ۲۸-سنبله، ایکس صحیفهسیده کېلگوسی پولیوگه قرشی اېملش کمپاینینی دوشنبه، ۳۰-سنبله کونیدن باشلنیشینی یازدی.
«پولیوسیز افغانستان» تشکیلاتی عایلهلرنینگ اېملش دستورلریدهگی اشتراکیگه اورغو بېریب، اولردن فرزندلرینی اېملهتیش امکانیتینی قۉلدن بای بېرمسلیکنی سۉرهدی.
بو حالت افغانستانده پولیو کسللیگی هلی تۉلیق برطرف اېتیلمهگن و مملکتده اوشبو کسللیککه چهلینیشنینگ ینگی حالتلری هم قید اېتیلگن بیر پیتده یوز بېرماقده.
پولیونینگ ینگی حالتلری قید اېتیلیشی اوشبو کسللیکنینگ ترقهلیشی دوام اېتهیاتگنی حقیدهگی خواطرلرنی کوچهیتیرگن. ساغلیقنی سقلش تشکیلاتلری اېسه کسللیک ترقهلیشینینگ آلدینی آلیش اوچون بالهلرنی اېملهتیش و عایلهلر بیلن همکارلیک قیلیشگه اورغو بېرماقده.
