«پولیوسیز افغانستان» تشکیلاتی پولیو ویروسی ترقه‌لیشی‌نینگ آلدینی آلیش اوچون اېملشگه اورغو بېردی
۸صبح، کابل: «پولیوسیز افغانستان» تشکیلاتی پولیو ویروسی (باله‌لر فلجی) هر قنده‌ی شخص تامانیدن و هر قنده‌ی یاشده یوقیشی ممکنلیگینی معلوم قیلیب، اهالیدن اوشبو ویروسنی تشووچی بۉلمسلیکنی سۉره‌دی.
اوشبو تشکیلات چهارشنبه کونی، ۱۸-سنبله، ایکس صحیفه‌سیده یازیشیچه، سفر وقتیده برچه یاشده‌گی آدملر پولیوگه قرشی واکسین آلیشی کېره‌ک.
پولیوسیز افغانستان تشکیلاتی سفر پیتیده آدملرنی اېملش آرقه‌لی پولیو ویروسی یوقیشی‌نینگ آلدینی آلیشگه اورغو بېردی.
مذکور تشکیلات اوّل هم پولیو واکسینی باله‌لرنی اوشبو کسللیکدن حمایه قیلیش‌نینگ خوفسیز و ثمره‌لی اصولی اېکنینی اَیتیب، عایله‌لردن فرزندلرینی اېملشنی سۉره‌گن اېدی.
بو بیاناتلر طالبان‌نینگ ننگرهار ولایتی ساغلیقنی سقلش باشقرمه‌سی مسووللری بیر نېچه کون اوّل اوشبو ولایتده پولیو یاکه باله‌لر فلجی‌نینگ بېش ته ایجابی حالتی قید اېتیلگنینی معلوم قیلگن بیر پیتده ینگره‌ماقده.
