دوحه ییغیلیشی آجنداسی و ترکیبی: بیرلشگن ملتلر تشکیلاتی طالبان‌سیز کېتمه-کیت تورت ییغیلیش اۉتکزه‌دی
دوحه شهری ده افغانستان وضعیتی باره‌سیده بیرلشگن ملتلر تشکیلاتی نینگ ایکّی کون‌لیک ییغیلیشی، مملکت‌لر نینگ مخصوص وکیللری حضوری بیلن تورت بولیم و کېتمه-کیت تورت ییغیلیش ده اۉتکزیلیشی ریجه‌لشتیریلگن.
بو ییغیلیش ۲۹ دلو، یک‌شنبه کونی، قطر پایتختی دوحه ده طالبان وکیللری نینگ حضورسیزلیگی بیلن یولگه قوییله‌دی.
دوحه ده‌گی منبع ۸صبح کونده‌لیگی گه ایتیشیچه، بیرلشگن ملتلر تشکیلاتی باش کاتبی نینگ ییتکچیلیگیده مملکت‌لر نینگ وکیللری آره‌سیده کېتمه-کیت اوچ ییغیلیش، تورت بولیم جمله دن افغانستان دن حمایت قیلیش اوچون جهانی اجماع شکللنیشی، طالبان گه قنده‌ی باسیم کیلتیریش و مملکتده‌گی حاضرگی قلتیس وضعیتدن چیقیش اوچون سیاسی یېچیم یول قیدیریش محاکمه قیلینه‌دی.
منبع گه کوره، بو ییغیلیش نینگ تورتینچی جلسه‌سیده افغانستان ایشلری گه دخیل مملکت‌لر نینگ مخصوص وکیللری و بیرلشگن ملتلر تشکیلاتی باش کاتبی تورت مدنی جماعه‌چیلیک فعالی و افغان عیاللری حقوقی مدافع‌سی بیلن اوچره‌شووی ریجه‌لشتیریلگن.
اوشبو ییغیلیش ده مدنی جماعه‌چیلیک وکیللریدن لطف‌الله نجفی‌زاده، عیال حقوقی فعاللریدن محبوبه، سراج، میترا مهران و شاه‌گل رضایی اشتراک قیلیش‌لری ممکن.
طالبان هم دوحه ییغیلیشی گه تکلیف بولگن اېدیلر، بیراق بیرلشگن ملتلر تشکیلاتی تامانیدن طلب‌لری قبول قیلینمسلیگی اوچون بو ییغیلیش ده اشتراک قیلمسلیک‌لرینی معلوم قیلگنلر.
ایتیش کېره‌ک طالبان دوحه ییغیلیشی گه تکلیف بولیشی سیاسی آقیم‌لر و اعتراضچی عیاللر نینگ قرشی‌لیگی بیلن دوچ بولگن.
سونگی بیر هفته ایچیده اۉنلب تشکیلات و عیال فعالی علیحده مکتوب‌لرده افغانستان اوچون مملکت‌لر نینگ وکیللریدن افغانستانده طالبان تامانیدن «جنسیتی آپارتاید» عملگه آشیریلگنینی تن آلیشنی سوره‌گنلر.
