اردوغان و ترمپ ایکّی تامانلمه مناسبتلر همده خلق‌ارا واقعه‌لر رواجی حقیده صحبتلشدی
تورکیه جمهور باشلیغی رجب طیب اردوغان و امریکا جمهور باشلیغی دونالد ترمپ، ایکّی تامانلمه مناسبتلر، شونینگدېک، منطقوی و خلق‌ارا واقعه‌لر رواجی حقیده تېلفون آرقه‌لی صحبتلشدی.
آناتولی اخبارات آژانسی پنج‌شنبه کونی، ۲۹ اکتوبر، خبر بېریشیچه اردوغان صحبت دوامیده تورکیه‌نینگ امریکا بیلن مناسبتلرنی مستحکملش و تورلی ساحه‌لرده‌گی همکارلیکنی کېنگه‌یتیریش باره‌سیده‌گی سعی-حرکتلری دوام اېتیشینی تأکیدله‌گن.
خبرگه کۉره، ایکّی دولت کېله‌سی ییلی دیپلوماتیک مناسبتلر اۉرنه‌تیلگنی‌نینگ ۱۰۰ ییللیگینی نشانله‌یدی.
اردوغان شونینگدېک، مکه قۉشمه مدافعه اتفاقی، هرموز بۉغازی و یمنده‌گی واقعه‌لرنی یقیندن کوزه‌تیب باره‌یاتگنینی، اوشبو مسأله‌لرنی دیپلوماتیک یۉل بیلن حل قیلیشگه قره‌تیلگن سعی-حرکتلر دوام اېته‌یاتگنینی اَیتگن.
تورکیه جمهور باشلیغی مملکتی اوکراین و روسیه اۉرته‌سیده‌گی مذاکره‌لرنی قَیته باشلش همده اوروشنی توگه‌تیش باره‌سیده‌گی سعی-حرکتلرنی قۉللب-قوّتلشگه تیّارلیگینی قۉشیمچه قیلگن.
