بیرلشگن ملتلر تشکیلاتی بامیان‌ده عیاللر اوچون کسبی کۉنیکمه‌لرنی اۉرگه‌تیش دستوری عملگه آشیریلگنینی معلوم قیلدی
۸صبح، کابل: بیرلشگن ملتلر تشکیلاتی‌نینگ قاچقینلر ایشلری بۉییچه عالی کمیسارلیگی (UNHCR) اَیتیشیچه، بامیان ولایتیده ۴۰ نفر عیال کسبی کۉنیکمه‌لرنی اېگه‌للش و تورموش شرایطینی یخشیلش مقصدیده چرم دستکول‌لر یسه‌ش همده کشته تیکیش بۉییچه تعلیم آلماقده.
اوشبو تشکیلات، پنج‌شنبه کونی، ۲۹-اکتوبر، ایکس صحیفه‌سیده مذکور دستور اروپا اتفاقی یاردمیده عملگه آشیریله‌یاتگنینی یازگن.
تشکیلات‌نینگ اَیتیشیچه، دستور اشتراکچیلری اۉرگنگن کۉنیکمه‌لری آرقه‌لی ایش تاپیش و درآمد آلیش امکانیتیگه اېگه بۉلیشلری ممکن.
مملکتگه قَیتگن عیاللر هم اوشبو دستورگه جلب اېتیلگن. اولر اۉرگنگن کۉنیکمه‌لریدن فایده‌لنیب، اۉز بیزنسلرینی یۉلگه قۉییش و عایله‌لری‌نینگ احتیاجلرینی تأمینلشگه حصه قۉشیشگه امید قیلماقده.
اوشبو دستور افغانستانده طالبان چېکلاولری سببلی عیاللر و قیزلر سۉنگگی بېش ییل دوامیده تعلیم آلیش همده ایشلش حقوقیدن محروم اېتیلگن بیر شرایطده عملگه آشیریلماقده.
