تورکیه‌ده افغانستان تورکمن یاشلری‌نینگ ایلک خلق‌ارا ییغیلیشی اۉتکزیلدی
۸صبح، کابل: افغانستان تورکمن یاشلری‌نینگ ایلک خلق‌ارا ییغیلیشی تورکیه‌نینگ کاپادوکیای شهریده اۉنلب طلبه، عیال و قیزلر، متخصصلر همده تورکمنلر‌نینگ اکادمیک و وطنداشلیک جمعیتی اعضالری اشتراکیده اۉتکزیلدی.
اوشبو دستور ۶ و ۷ سنبله کونلری افغانستان تورکمنلری‌نینگ ۲۰۵۰-ییلگچه بۉلگن کېله‌جگی اوچون تیزیملی، علمی و عملی یېچیملرنی محاکمه قیلیش و فکر المشیش مقصدیده اۉتکزیلگن.
اوشبو ییغیلیشده افغانستان تورکمنلری‌نینگ ینگی اولادی وکیللری مملکت ایچیده و تشقریسیده علمی و مدنې دستورلرینی یۉلگه قۉییش ضرورلیگیگه اورغو بېرگن.
اشتراکچیلر، شونینگدېک، افغانستان تورکمنلری‌نینگ کېله‌جگینی شکللنتیریشده تعلیم و یاش اولاد‌نینگ اشتراکی رۉلی حقیده محاکمه و فکر المشگن.
تشکیلاتچیلر‌نینگ اَیتیشیچه، افغانستان تورکمنلری‌نینگ ینگی اولادی، اینیقسه سۉنگگی ییللرده، مملکت تشقریسیده تعلیم آلیشگه کۉپراق اعتبار قره‌تگن.
تورکیه‌ده‌گی مدنې و طلبه‌لر تشکیلاتلری معوماتلریگه کۉره، قیزلر و اۉغیل باله‌لرنی اۉز ایچیگه آلگن قریب ۲۰ مینگ تورکمن طلبه تورکیه، اروپا و امریکا بیلیم یورتلریده تحصیل آلماقده.
اوشبو ییغیلیش افغانستان تورکمن یاشلری تشبثی همده بیرلشگن تورکستان اېلچیلری اویوشمه‌سی «توبل» تامانیدن تورکیه جمهوریتی‌نینگ خلق‌ارا تورک مدنیتی تشکیلاتی «تورکسوی» همکارلیگیده اۉتکزیلگن.
