قیزیل خاچ دایکندی ولایتیگه بیر میلیون افغانیدن آرتیق قیمتده‌گی طبی جهازلر یاردمینی کۉرسه‌تدی
۸صبح، کابل: طالبان ساغلیقنی سقلش وزیرلیگی خلق‌ارا قیزیل خاچ کمیته‌سی (ICRC) دایکندی ولایتیده‌گی بیر شفاخانه‌گه قیمتی بیر میلیون افغانیدن آرتیق بۉلگن طبی جهازلرنی یاردم صفتیده تقدیم اېتگنینی معلوم قیلدی.
اوشبو وزیرلیک سه‌شنبه کونی، ۲۱ میزان، ترقه‌تگن بیاناتیده بو یاردم ۵۳ تورده‌گی فیزیوتراپی و ارتوپیدی جهازلری، شونینگدېک، معلوللر ارابه‌چه‌سینی اۉز ایچیگه آلیشینی بیلدیرگن.
طالبان‌نینگ اَیتیشیچه، اوشبو جهازلر دایکندی ولایتیده‌گی «امیرالمومنین» شفاخانه‌سیگه ترقه‌تیلگن.
وزیرلیک اوشبو یاردمدن مقصد کوچلنتیریش خدمتلرینی کوچه‌یتیریش همده بېمارلر و معلوللیگی بۉلگن شخصلرگه کۉرسه‌تیله‌دیگن طبی خدمتلر صفتینی یخشیلش اېکنینی تأکیدله‌گن.
