طالبان منطقه مملکت‌لر نینگ مخصوص نماینده‌لری ییغیلیشی دن میزبان‌لیک قیلیشنی ایسته‌یدیلر
کابل ده ایران ایلچیسی حسن کاظمی قمی گه کوره، طالبان تشقی ایشلر وزیری امیرخان متقی کابل ده منطقه مملکت‌لر نینگ مخصوص نماینده‌لری ییغیلیشی دن میزبان‌لیک قیلیش تکلیفینی بیرگن.
کابل ده ایران ایلچیسی ۱۹-جدی، سه‌شنبه کونی، ایکس اجتماعی ترماغی ده طالبان تشقی ایشلر وزیری بیلن کاظمی قمی نینگ اوچره‌شووی دن خبر بیریب یازیشیچه، متقی اوشبو اوچره‌شوو ده افغانستان وضعیتی گه عاید منطقه‌وی تماس گروهی شکللنیش اوچون تهران طرحی نی خوش قرشی له‌گن.
طالبان حاکمیتی ده افغانستان نینگ حاضرگی وضعیتی حلی اوچون منطقه‌وی تماس گروهی شکللنیشی، ایران تامانیدن تکلیف بولگن طرح دیر و بوندن آلدین بو مملکت رسمی‌لری بوتوغریده صحبت قیلگنلر.
منطقه مملکت‌لر نینگ طالبان بیلن قوشمه فکر-ملاحظه‌سی بولیش اوچون تماس گروهی شکللنیش تکلیفی بیریلگن.
کاظمی قمی، فارمت مسکو ییغیلیشی اوتکزیلیشیدن سونگ منطقه‌وی تماس گروهی شکللنیش اوستیگه تاکید ایتگن ایدی.
افغانستان ده طالبان حاکمیتیدن ایکی ییل اوتگچ، بیراق بو گروه حاضرگچه هیچ بیر مملکت تامانیدن تن آلینمه‌گن.
