طالبان روسیه و بلاروس مامورلری نینگ فعالیتیگه نظارتنی کوچه‌یتیردی
۸صبح، کابل: اوکراین‌ده‌گی یو‌ان‌ان اخبارات واسطه‌سی خبر بېریشیچه، طالبان نینگ عمومی استخبارات باشقرمسی روسیه و بلاروس مامور لری نینگ افغانستاندهگی فعالیتینی ینه‌ده کوچلی نظارت آستیگه آلگن.
مذکور نشر، شنبه کونی، ۱۲ -میزان، اوکراین تشقی استخبارات خدمتیگه ته‌ینیب یازگن معلوماتیده بیلدیره‌دیکی، طالبان رهبریتی شونده‌ی فکرده، روسیه و بلاروس وکیللری طالبان حرکتیدن شرق و غرب اۉرته‌سیده ترنگلیک و اۉزارا ایشانچسیزلیکنی کېلتیریب چیقریش واسطه‌سی صفتیده فایده‌لنماقچی.
بو بیاناتلر روسیه دنیاده طالباننی رسماً تن آلگن بیرینچی دولت بۉلگن بیر پیتده ایلگری سوریلماقده.
خبرده قید اېتیلیشیچه، طالبان عملدارلری سۉنگگی آیلرده روسیه‌دن کېله‌یاتگن سیاحلر، ژورنالیستلر و باشقه تشریف بویورووچیلر نینگ سانی آرتیب باره‌یاتگنیدن جدی خواطر بیلدیرگنلر.
طالبان منبعلریگه کۉره، اولر آره‌سیده بعضیلری نینگ احتمال استخبارات خادملری بۉلیشی ممکن، دېگن گمانلر موجود و بو سببلی طالبان رسمیلری افغانستانده بونده‌ی فعالیتلر نینگ آلدینی آلیش اوچون مخصوص چاره-تدبیرلر کۉریشنی طلب قیلگنلر.
شونینگدېک، معلوماتلرده ایتیلیشیچه، طالبان استخباراتی روسیه و بلاروس وکیللری نینگ حرکتلری اوستیدن دایمی کوزه‌توونی یۉلگه قۉیگن همده اولر بیلن بۉلگن دیپلوماتیک علاقه‌لرده احتیاطکارلیکنی کوچه‌یتیرگن.
اوکراین تشقی استخبارات خدمتی نینگ بیلدیریشیچه، طالبانلر روسیه و بلاروسی نینگ ایریم وکیللرینی افغانستانده یشیرین سیاسی تأثیر اۉتکزیش حرکتلریده گمان قیلماقده‌لر.
