بیرلشگن ملتلر تشکیلاتینینگ انسان یشش جایلری دستوری قندوزده اوچ ته سوو تأمیناتی ترماغی قوریلگنی حقیده خبر بېردی
۸صبح، کابل: بیرلشگن ملتلر تشکیلاتینینگ انسان یشش جایلری دستوری (UN-Habitat)همکار تشکیلاتلر یاردمیده قندوز ولایتی نینگ «دشتارچی» اولسواللیگیده اوچ ته سوو تأمیناتی ترماغی قوریلهیاتگنینی اعلان قیلدی.
اوشبو تشکیلات، یکشنبه کونی، ۳۱ جوزا، خبر بېریشیچه، اوشبو لایحهلر یوزلب عایلهلرنینگ تازه ایچیملیک سوویگه ایریشیش امکانیتینی یخشیلهیدی همده بو حدودلرده ساغلیق حالتینی یخشیلشگه یاردم بېرهدی.
بیرلشگن ملتلر تشکیلاتینینگ انسان یشش جایلری دستوری تأکیدلشیچه، ساغلام ایچیملیک سوویگه ایریشیش افغانستاننینگ تورلی حدودلریدهگی عایلهلرنینگ تورموش صفتی و ساغلیق شرایطلرینی یخشیلشده مهم رۉل اۉینهیدی.
بو شوندهی بیرحالده دیر که افغانستاننینگ کۉپلب حدودلریده تازه سوو تنقیصلیگی جدّی معمالردن بیری بۉلیب قالماقده و عایلهلر تازه سوو تاپیش اوچون ساعتلب پیاده یوریشگه مجبور بۉلماقده.
بیرلشگن ملتلر تشکیلاتینینگ بالهلرنی قۉللب-قوّتلش جمغرمهسی (یونیسف) هم بوندن آلدین افغانستانده هر اوچ کیشیدن دېیرلی بیری یېترلی مقداردهگی خوفسیز ایچیملیک سوویگه اېگه اېمسلیگینی بیلدیرگن اېدی.
