یونیسف: تۉییب-آوقتلنمسلیکنی اېرته انیقلش بالهلر حیاتینی سقلب قالهدی
۸صبح، کابل: بیرلشگن ملتلر تشکیلاتینینگ بالهلرنی قۉللب-قوّتلش جمغرمهسی (یونیسف)نینگ افغانستاندهگی وکیلی تاجالدین اویوالی اَیتیشیچه، تۉییب-آوقتلنمسلیکنی اېرته انیقلش و دوالش بالهلر حیاتینی سقلب قالیشی ممکن.
اویوالی دوشنبه کونی، ۲۳ سنبله، ایکس صحیفهسیده یازیشیچه، مزارشریفدگی بیر طبیات مرکزیده آغیر درجهدهگی تۉییب-آوقتلنمسلیکدن اذیت چېکّن باله اېرته دوالنیشدن سۉنگ حاضر جسمانی حالتی یخشیلنیب، کوچلیراق بۉلگن.
یونیسف وکیلی اوشبو تشکیلات و اونینگ همکارلری تۉییب-آوقتلنمسلیکنی اۉز وقتیده انیقلش و دوالش آرقهلی بالهلر اۉلیمینینگ آلدینی آلیشی ممکنلیگینی تأکیدلهگن.
تۉییب-آوقتلنمسلیک افغانستان بالهلری آرهسیدهگی جدّی ساغلیق معمالریدن بیری حسابلنهدی. هر ییلی کۉپلب بالهلر دوالنیش خدمتلریدن فایدهلنه آلمهگنی سببلی حیاتدن کۉز یومهدی.
یونیسف اوّلراق افغانستانده ۳،۷ میلیون باله تۉییب-آوقتلنمسلیکدن اذیت چېکهیاتگنینی معلوم قیلگن اېدی. اولرنینگ قریب بیر میلیون نفری آغیر و حیات اوچون خوفلی درجهدهگی تۉییب-آوقتلنمسلیکدن اذیت چېکماقده.
