دنیا بانکی افغانستان گه ۸۰ میلیون دن آرتیق دالر یاردم بیره‌دی
۸صبح، کابل: دنیا بانکی افغانستانده اقتصادی بحراننی باشقریش و معیشتی لایحه‌لرنی تطبیق اېتیش مقصدیده افغانستان اوچون ۸۴ میلیون دالر مبلغ اجره‌تگنینی تصدیقله‌گن.
دنیا بانکی ۱۱ ثور، سه‌شنبه کیچه بیر بیانیه ترقه‌تیب، اوشبو مبلغ نینگ ۷۰ میلیونی افغانستان امانی صندیغی (ای‌آرتی‌اف) و خلق‌ارا ترقیات اۉیوشمه‌سی (آی‌دی‌ای) آرقه‌لی افغانستانده معیشتی لایحه‌لرنی تطبیق اېتیش ایشلری بوییچه صرفلنیشی ممکن دیگن.
دنیا بانکی نینگ افغانستان بولیمی مسوولی ملیندا گود نینگ بوتوغریده ایتیشیچه، خلق‌ارا ترقیات اۉیوشمه‌سی سۉنگی ۱۸ آی ده افغانستانده اینیقسه عیاللر گه ایش فرصت‌لرینی یره‌تیش اوچون انیق و تاثیرچن بیر چارچوب تیارله‌گن.
گود گه کوره، بو یاردم بیلن، آی‌دی‌ای افغانستان نینگ ۲۶ ولایتی و آلتی حوزه ده تورلی ساحه‌لرده افغانستان یشاوچیلری گه خذمت کورسه‌تیش ایشی گه دوام بیریشی ممکن.
اونینگ کوپه‌یتیریشیچه: «ینگی مبلغ بیلن، بو لایحه اۉز فعالیت‌لرینی قیشلاق‌لر و شهرلر ده آشیریب و عیاللر اوچون کوپراق معیشتی فرصت‌لرنی یره‌تیشی ممکن همده افغانستان گه قیتگنلر گه ایش زمینه‌سی یره‌تیشی ممکن.»
ایتیش کېره‌ک که بو لایحه ۲۰۲۲ ییلده دنیا بانکی نینگ ۲۶۵ میلیون دالرلیک یاردمی بیلن افغانستان نینگ قیشلاق‌لری و شهرلریده اۉز فعالیت‌لرینی باشله‌گن اېدی.
بو لایحه آرقه‌لی حاضرگچه افغانستان‌لیک ۷۷۶ مینگ عایله گه ایش فرصتی یره‌تیلیب و ۵.۴ میلیون کیشی اوندن فایده‌لنگن.
شونینگدیک افغانستانده ۹۲ مینگ ۲۰۰ عایله اینیقسه سرپرستی عیاللر بولگن عایله‌لر، اوشبو لایحه نینگ نقدی و غیر نقدی یاردم‌لریدن فایده‌لنگن.
دنیا بانکی نینگ معلوماتی اساسیده، اوشبو مدت ایچیده افغانستان‌لیک قریب ۷.۴ میلیون کیشی یول، ساغلیق مرکز و ایچیمیلیک سوو کبی اجتماعی خذمت‌لردن فایده‌لنگن.
مذکور نهاد نینگ کوپه‌یتیریشیچه، سۉنگی ایکّی ییلده افغانستانده ۲.۱ میلیون کیشی ساغلیق، آزیق-آوقت، اقلیم اۉزگریشی و طبیعی آفت‌لر بوییچه تعلیم کورگنلر.
افغانستانده طالبان ایکّینچی مرته قدرت نی آلیشیدن سۉنگ مملکت فقرالری نینگ احوالی آغیرلشگن و خلق‌ارا تشکیلات‌لر نینگ بیانات‌لری اساسیده، میلادی اوشبو ییلده افغانستان‌لیک قریب ۲۳ میلیون کیشی انسان پرورلیک یاردملر گه محتاج دیر.
نیچه کون آلدین، دنیا بانکی افغانستانده عیاللر ییتکچیلیگیده کیچیک تجارت‌لرنی قۉللب-قوتلش اوچون ۱۶ میلیون دالر یاردم بیریشیدن خبر بیرگن اېدی
