جهان ساغلیقنی سقلش تشکیلاتی افغانستانده طبی خدمتلرنی کوچه‌یتیریشگه اورغو بېردی
۸صبح، کابل: افغانستاندهگی جهان ساغلیقنی سقلش تشکیلاتی (WHO) افغانستانده احتیاجمند جماعه‌لرگه خدمت کۉرسه‌تیش اوچون طبی امکانیتلرنی کوچه‌یتیریشگه اورغو بېردی.
اوشبو تشکیلات پنج‌شنبه کونی، ۵-سنبله، ایکس صحیفه‌سیده افغانستان بۉیلب حیات اوچون مهم طبی یاردم کۉرسه‌تیشنی دوام اېتتیره‌یاتگنینی یازگن.
بیرلشگن ملتلر تشکیلاتی‌نینگ اوشبو تشکیلاتی، شونینگدېک، ضعیف باله‌لرنی قۉللب-قوّتلش و ضرور طبی خدمتلرنی تقدیم اېتیشگه اورغو بېرگن.
بو حالت اوشبو تشکیلات‌نینگ افغانستاندهگی اۉتگن آیگی ساغلیقنی سقلش حالتی حقیده‌گی ینگی حساباتیده اَیریم یوقوملی کسللیکلر کۉپه‌یگنی قید اېتیلگن بیر پیتده یوز بېرماقده.
شو بیلن بیرگه، طالبان افغانستانده قَیته حاکمیتنی قۉلگه کیریتگنیدن سۉنگ مملکت ساغلیقنی سقلش تیزیمی هم ضرر کۉرگن و طبی خدمتلر کۉرسه‌تیش کېسکین کمه‌یگن.
