تام وست: هزاره‌لرگه قرشی هجوم توخته‌تیلیشی کېره‌ک
۸صبح، کابل: افغانستان تینچلیک بۉییچه امریکانینگ مخصوص نماینده‌سی تام وست، کابل نینگ دشت‌برچی منطقه‌سیده یوز بېرگن پارتلشگه عکس‌العمل بیلدیریب، هزاره‌لرگه قرشی هجوم کېسکین توخته‌تیلیشینی سۉره‌دی.
تام وست ۱۷- عقرب چهارشنبه کونی بیرلشگن ملتلر تشکیلاتی نینگ انسان حقوقلری بۉییچه مخصوص گزارشگری ریچارت بنت ایسته‌گینی قیته نشر قیلدی. بو حقده ایکس اجتماعی ترماغیگه مذکور حمله «دهشتلی» و «شفقت‌سیز» دېیلگن اېدی.
او، بو هجوملر عامللری تانیلیشی اوچون شفاف تېرگاو اۉتکزیلیشینی ایسته‌گن.
وست نینگ کۉپه‌یتیریشیچه: « بیر آیدن کم مدت ایچیده هزاره‌لرگه قرشی اوچینچی بار اویوشتیریلگن اۉلیمی واقعه‌دن جوده تاثیرلندیک.»
آلدینراق ریچار بنت هم هر تامانلمه تېکشیروو اۉتکزیلیشی و کابل‌ده بونده‌ی هجوملرنی عملگه آشیره‌دېگنلر جوابگرلیککه تارتیلیشینی طلب قیلگن اېدی.
۱۶-عقرب سه‌شنبه کونی کېچقورون ساعت ۶:۳۰ دقیقه اطرافیده کابل شهری نینگ آلتینچی خوفسیزلیک حوزه‌سیگه قره‌شلی «مهتاب قلعه» ساحه‌سیده تینچ اهالی یۉلاووچیسی بۉلگن بس تیپلی بیر موترگه قرشی پارلش یوز بېردی. بونینگ نتیجه‌سیده ۳۸ انسان اۉلیب یره لندیلر.
پارتلشدن نېچه ساعت کیین واقعه مسوولیتینی داعش جنگری گروهی ذمه‌سیگه آلیشدی.
کمیده بیر آی ایچیده کابل نینگ غربیده جایلشیگن دشت‌برچی منطقه‌سیده تینچ اهالیگه قرشی عملگه آشیریلگن بو اوچینچی حمله حسابلنه‌دی.
