ترامپ افغانستاندهگی اۉروشنی ویتنام اۉروشیدن هم یامانراق دیب اته‌دی
امریکا سابق جمهور باشلیغی و اوشبو مملکت نینگ ۲۰۲۴ ییل جمهورلیک ریاستی سیلاوی ده جمهوری‌خواه حزبی نامزدلریدن دونالد ترامپ گه کوره، افغانستاندن امریکا قوشمه ایالتلری حربی کوچلری نینگ چیقریلیشی ویتنام ده‌گی حربی توقنشوو دن کوره یامان بولیشی گه سبب بولگن.
ترامپ بو سۉزلرنی ۱۲ حوت، شنبه کیچه ویرجینیا ایالتی «ریچموند» ده سیلاو کمپاینیده بیان قیلگن.
تلی‌تریدر نینگ گزارشی اساسیده، جمهوری‌خواه حزبی اوشبو نامزدی بایدن نینگ «احمق» خطاب قیلیشی بیلن ایتیشیچه، امریکا جمهور باشلیغی قوشمه ایالتلر نینگ عسکرلرینی حاضرگچه اسمینی اېشیتمه‌گن مملکت‌لر گه یوبارماقده.
ترامپ بوندن آلدین افغانستاندن امریکا حربی کوچلری نینگ «فاجعه‌لی» چیقیشیدن تنقید قیلگن اېدی.
عین‌حالده آلدینراق امریکا نینگ کیله‌جک سیلاوی گه جمهوی‌خواه حزبی نینگ باشقه نامزدلریدن بیری نیکی هیلی گه کوره، افغانستاندن امریکا حربی کوچلری نینگ چیقیشی، واشنگتن متحدلری و «دشمن»لری گه اشتباه پیام یوللـه‌گن.
او روسیه و اوکراین، اسراییل و حماس آره‌سیده‌گی اۉروش‌لر، شمالی کوریا تامانیدن بالستیک موشک‌لر مشق قیلیشینی و چین نینگ امریکا آست قورمه‌لری گه سایبری هجوم‌لری گه اشاره قیلیب ایتیشیچه، بو موردلر مملکتی نینگ افغانستانده «ناکام‌لیک» عاملی دیر.
هیلی نینگ کوپه‌یتیریشیچه: «دنیا واقعی معناده آتیش ده دیر. خطا قیلمنگ افغانستانده ناکام قالمه‌گنده اېدیک بولر نینگ هېچ بیری یوز بیرمسدی.»
ایتیش کېره‌ک که افغانستاندن امریکا حربی کوچلری نینگ چیقیشی بو مملکت طالبان نظارتی گه اۉتیشی گه سبب بولدی، بایدن امریکا قوشمه ایالتلری سیاستچیلری نینگ قتیق تنقیدی بیلن دوچ بولگن.
