بریتانیاده ایران ایکّی وطنداشیگه ترورچیلیک هجومینی رېجه‌لشتیریش عیبی قۉییلدی
۸صبح، کابل: بریتانیا رسمیلری ایران ایکّی وطنداشیگه انگلستان‌‌نینگ شِمالیده یهودیلر جماعه‌سیگه قرشی ترورچیلیک هجومینی عملگه آشیریشنی رېجه‌لشتیرگنلیکده عیبلاو قۉیگن.
بریتانیا قیراللیک سارنواللیگی (CPS) جمعه کونی، ۲-اکتوبرده معلوم قیلیشیچه، ۳۴ یاشلی رحمان صالحی و ۳۶ یاشلی سلام احمدیان یهودیلر‌نینگ مقّدس کونی یوم کیپور، پیتیده منچستر شهریده ترورچیلیک هجومینی عملگه آشیریشنی رېجه‌لشتیرگنلیکده عیبلنگن.
بریتانیا پولیسی علیحده بیاناتیده اَیتیشیچه، بو ایکّی کیشی مذکور فتنه بیلن باغلیق حالده چېت اېلده‌گی، احتمال ایرانده بۉلگن اوچینچی شخص بیلن علاقه قیلگن. تخمین قیلینه‌یاتگن بو فتنه‌‌نینگ تفصیلاتلری اعلان قیلینمه‌گن، بیراق پولیس اوشبو رېجه برطرف اېتیلگنینی تصدیقله‌گن.
تروریزمگه قرشی کوره‌ش پولیسی معلوم قیلیشیچه، ۲۰-سپتمبر کونی منچسترده حبسگه آلینگن صالحی و احمدیان قۉل بمب یسه‌ش اوچون ضرور بۉلگن قِسملر و جهازلرنی ساتیب آلیشگه اورینگن.
