پزشکیان: ایران بیرلشگن ملتلر تشکیلاتی‌نینگ هستوی تیکشیرووچیلریگه قَیتیشگه رخصت بېره‌دی
ایران جمهور باشلیغی مسعود پزشکیان، تهران بیرلشگن ملتلر تشکیلاتی‌نینگ هستوی تیکشیرووچیلریگه ایرانگه قَیتیش و هستوی تېکشیروولرنی اۉتکزیش اوچون کیریشگه رخصت بېریشگه تیّار اېکنینی معلوم قیلدی.
الجزیره شنبه کونی، ۲۶ سپتامبر، خبر بېریشیچه، پزشکیان تهران تیکشیرووچیلرگه کیریشگه رخصت بېره‌دیمی، دېب سۉره‌لگنیده، او «بو مطلقا تۉغری»، دېب جواب بېرگن.
پزشکیانف اگر اتوم انرژیسی بۉییچه خلق‌ارا آژانسی تیکشیرووچیلری کیریش و تېکشیروو اۉتکزیشنی ایسته‌سه، ایران تېکشیروولرنی قنده‌ی اۉتکزیش مساله‌سیده مذاکره‌لر دوامیده کېلیشووگه اېریشیشی ممکنلیگینی اَیتگن.
ایران جمهور باشلیغی ایتیشیچه: «اگر اولر کیریش و تېکشیروو اۉتکزیشنی ایسته‌سه، اوشبو معین مساله بۉییچه مذاکره‌لرده کېلیشوو و اۉزارا انگلشووگه اېریشه آله‌میز».
بو بیاناتلر مسعود پزشکیان پاکستان واسطه‌چیلیگیده امریکا و ایران اۉرته‌سیده امضالنگن اسلام‌آباد کېلیشوویگه قَیتیشنی هم قۉللب-قوّتله‌گن بیر پیتده ینگره‌گن.
