بیرلشگن ملتلر تشکیلاتی: وزیر محمد اکبر خان شفاخانه‌سیگه ۲۰۰ کیلوواتلیک قویاش برق تیزیمی اۉرنه‌تیلدی
۸صبح، کابل: بیرلشگن ملتلر تشکیلاتی‌نینگ ترقیات دستوری (UNDP) وزیر محمد اکبر خان شفاخانه‌سیگه قوّتی ۲۰۰ کیلووات بۉلگن ینگی قویاش انرژیسی تیزیمی اۉرنه‌تیلگنینی معلوم قیلدی.
اوشبو دستور چهارشنبه کونی، ۲۱-اسد کونی، مذکور تیزیم افغانستانده اروپا اتفاقی‌نینگ یاردمیده اۉرنه‌تیلگنینی اَیتدی.
اروپا اتفاقی هم اتفاق و اونگه اعضا دولتلر طبیات مرکزلرینی قویاش انرژیسی بیلن تأمینلش آرقه‌لی افغانستان اهالیسی‌نینگ طبی خدمتلردن برقرار فایده‌لنیشیگه یاردم بېره‌یاتگنینی بیلدیردی.
بیرلشگن ملتلر تشکیلاتی‌نینگ ترقیات دستوری اوشبو تیزیم شفاخانه‌گه هر ییلی ۲۰۰ مینگدن آرتیق بېمارگه طبی خدمتلرنی اوزلوکسیز کۉرسه‌تیش امکانینی بېریشینی اَیتدی.
مذکور تشکیلاتگه کۉره، قویاش انرژیسیدن فایده‌لنیش شفاخانه‌‌نینگ دیزل جنراتورلریگه قره‌ملیگینی هم کمه‌یتیره‌دی.
