بیرلشگن ملتلر تشکیلاتی نینگ ایش‌بیلرمانلری ژولیا پارسی و ندا پروانی آزاد اېتیلیشینی سۉره‌دیلر
۸صبح، کابل: بیرلشگن ملتلر تشکیلاتی نینگ بیر قنچه ایش‌بیلرمانلری طالبلر تورمه‌سیده‌گی «عیاللر حرکتی» رهبری و عضوی ژولیا پارسی و ندا پروانی نینگ وضعیتی باره‌سیده خواطر بیلدیریب، اولرنی قۉلگه آلینیشی نینگ آقلاوچی هیچ قنده‌ی دلیل یۉق، اولر تېزلیکده آزاد قیلینیشی کېره‌ک دېگنلر.
بیرلشگن ملتلر تشکیلاتی نینگ ایریم متخصصلری ۹-عقرب سه‌شنبه کونی هر ایکّیسی هم «عیاللر حرکتی» نینگ اعضالری بۉلمیش خاتینلرنینگ وضعیتی تۉغریسیده جدی خواطرده‌لر و بیرلشگن ملتر تشکیلاتی اولرنی «انسان حقوقلری مدافع»لری دیب توصیف ایته‌دی دېگنلر.
اولرنینگ ایتیشلریچه: «خانم پروانی و خانم پارسی قۉشیمچه اولرنینگ عایله اعضالری تېزده تورمه‌دن آزاد اېتیلیشی جدی بیر ایستک دیر. اولرنینگ اوشلب آلینیب قماققه تشلنگنیدن آیلر اۉتماقده و بیزلر اېسه قتّیق بیر شکلده اولرنینگ جسمی و روحی سلامتلیگیدن خواطرده میز.»
طالبلر مدنی فضا اینیقسه خاتین – قیزلرنینگ آوازینی بۉغیش بیلن بو قتلمگه ینه -ده چېکلاولر یره‌تماقچی بۉله‌د‌ی دېدی بیرلشگن ملتلر تشکیلاتی نینگ بو ایش بیلرمانلری.
بیرلشگن ملتلر تشکیلاتی نینگ ساحه بۉییچه متخصصلری مسالمت آمیز تشکیللر و اجتماعی آزادلیک حقوقی، بیرلشگن ملتلر تشکیلاتی انسان حقوقلری نینگ اصلی هسته‌سی سنه‌له‌دی دېدیلر.
عین حالده، «افغانستان عیاللر حرکتی نینگ» رهبری ژولیا پارسی و اونینگ اۉغلیی جنگری طالبلر اعضالری تامانیدن جاری ییل میزان آیی نینگ ۵-سیده کابل شهری نینگ قلعه فتح‌الله منطقه‌سیدن قۉلگه آلیندیلر.
پارسی حبسگه آلینمسدن بیر هفته آلدین طالبلر بو جنبش نینگ اعضاسی ندا پروانی و نینگ اۉغلینی کابل شهریده اوشلب آلگن اېدیلر.
