بیرلشگن ملتلر عیاللر بۉلیمی: افغانستان عیاللری‌نینگ اوشبو تشکیلات اداره‌لریگه کیریشی تقیقلنگنیگه بیر ییل بۉلدی
۸صبح، کابل: بیرلشگن ملتلر تشکیلاتی‌نینگ عیاللر بۉلیمی افغانستان بۉیلب افغان عیال خادملری‌نینگ اوشبو تشکیلات اداره‌لریگه کیریشی تقیقلنگنیگه بیر ییل بۉلگنینی و بو تقیق هنوز عملده قاله‌یاتگنینی معلوم قیلدی.
اوشبو تشکیلات دوشنبه کونی، ۱۶ سنبله، بو چېکلاو بیرلشگن ملتلر تشکیلاتی‌نینگ ۸۰ ییللیک تاریخیده «مثلی کۉریلمه‌گن» اېکنینی معلوم قیلدی.
بیرلشگن ملتلر تشکیلاتی بو چېکلاولر اوشبو تشکیلات‌نینگ افغان عیاللری و قیزلریگه یاردم کۉرسه‌تیش امکانیتینی کمه‌یتیرگنینی اَیتماقده.
بیرلشگن ملتلر تشکیلاتی «افغان عیال خادملرسیز» افغان عیاللری و قیزلریگه اولر‌نینگ مدنیتی و احتیاجلریگه ماس یاردم کۉرسه‌ته آلمه‌سلیگینی اَیتگن.
اوشبو تشکیلات‌نینگ اَیتیشیچه، افغان عیاللری بو چېکلاولرگه قره‌مه‌ی، اۉتگن بیر ییل دوامیده تیریکچیلیک خدمتلری، ساغلیقنی سقلش خدمتلری همده روحی و اجتماعی یاردملرنی کۉرسه‌تیشده دوام اېتگن.
تأکیدلش جایز که اوشبو چېکلاو افغان عیاللری‌نینگ تعلیم آلیشی، ایشلشی و اجتماعی حیاتده اشتراک اېتیشیگه قرشی کېنگ کۉلملی تقیقلر بیلن بیر قطارده جاری اېتیلگن و بیرلشگن ملتلر تشکیلاتی‌نینگ افغانستاندهگی انسانپرورلیک فعالیتینی قیینچیلیکلرگه دچار قیلگن.
