یوناما: سۉنگگی بیر ییل ایچیده چېگره بۉیلب ۵۱۲ نفر تینچ اهالی وکیلی جان بېردی
۸صبح، کابل: بیرلشگن ملتلر تشکیلاتی‌نینگ افغانستاندهگی یاردم هیاتی (یوناما) معلوم قیلیشیچه، ۲۰۲۵-ییل ۱-اکتوبردن ۲۰۲۶-ییل ۳۰-سپتمبرگچه چېگره بۉیلب صادر بۉلگن حادثه‌لر عاقبتیده ۵۱۲ نفر تینچ اهالی وکیلی جان بېرگن ینه بیر مینگ و ۲۳۶ کیشی یره‌لنگن.
یوناما پنج‌شنبه کونی، ۲۳ میزان، جاری ییل‌نینگ ۱-جولاییدن ۳۰-سپتمبریگچه بۉلگن دورده چېگره حادثه‌لری عاقبتیده ۱۳ نفر تینچ اهالی وکیلی جان بېرگن و ینه ۲۰ کیشی یره‌لنگنینی خبر قیلگن.
شونینگدېک، اوشبو تشکیلات کنر ولایتیده باسیم تأثیریده پارتله‌یدیگن، آلدیندن اۉرنه‌تیلگن پارتلاوچی مادّه پارتلشی عاقبتیده ایکّی نفر باله هم بۉلگن تۉرت نفر تینچ اهالی وکیلی یره‌لنگنینی حجتلشتیرگن.
افغانستان و پاکستان اۉرته‌سیده‌گی چېگره تۉقنه‌شوولری و کېسکینلیکلر بیر نېچه بار چېگره اۉتیش یۉللری‌نینگ یاپیلیشیگه، عایله‌لر‌نینگ کۉچیشگه مجبور بۉلیشیگه و تینچ اهالی آره‌سیده قربانلر بۉلیشیگه آلیب کېلگن.
اوشبو حادثه‌لرده اهالی یشه‌یدیگن حدودلر و چېگره منطقه‌لریده استقامت قیلووچی فقرالر هم ضرر کۉرگن.
