یوناما: ۲۰۰۹-ییلدن ۲۰۲۱-ییلگچه افغانستاندهگی تۉقنهشوولر ۴۰ مینگدن آرتیق کیشینینگ اۉلیمیگه سبب بۉلگن
۸صبح، کابل: بیرلشگن ملتلر تشکیلاتینینگ افغانستاندهگی یاردمچی هیاتی (یوناما) حساباتیده اَیتیلیشیچه، افغانستانده ۲۰۰۹-ییلدن ۲۰۲۱-ییلگچه بۉلگن قوراللی تۉقنهشوولر نتیجهسیده ۴۰ مینگدن آرتیق کیشی جان بېرگن و ۷۷ مینگدن آرتیق کیشی یرهلنگن.
یوناما سهشنبه کونی، ۱۰-سنبلهده، افغانستاندهگی زۉرآورلیکلر، قوراللی تۉقنهشوولر و معمالر بیلن باغلیق تدقیقات حساباتینی اعلان قیلدی.
حساباتگه کۉره، یوناما اوشبو حسابات ۲۰۰۱-ییلدن ۲۰۲۱-ییلده طالباننینگ حاکمیتگه قَیته کېلیشیگچه بۉلگن دورنی قمرهب آلگنینی اَیتگن.
بیرلشگن ملتلر تشکیلاتی قۉشیمچه قیلیشیچه، اوشبو حسابات قوراللی تۉقنهشوولر قربانلری و اولرنینگ عایله اعضالریدن ۱۹۵ نفری، قوراللی تۉقنهشوولر قربانلرینینگ احتیاجلرینی قاندیریش اوچون فعالیت یوریتووچی ۲۳ ته نادولت تشکیلات همده ۲۳ نفر رسمی بیلن اۉتکزیلگن صحبتلر اساسیده تیّارلنگن.
اوشبو تشکیلاتنینگ اَیتیشیچه، صحبت اۉتکزیلگن دېیرلی برچه شخصلر حسی یاکه روحی جراحتلرنی باشدن کېچیرگنینی بیلدیرگن. بولر افسردهلیک، خواطر، خاطرهلرنینگ تۉستدن قَیتیشی و تروما بیلن باغلیق باشقه علامتلرنی اۉز ایچیگه آلهدی.
بو حالت صحبتده قتنهشگنلرنینگ یریمیدن کۉپی قوراللی تۉقنهشوولر نتیجهسیده جسمانی جراحتلر آلگنینی اَیتگن، اولرنینگ اکثریتی هنوز سورونکهلی آغریقلردن اذیت چېکهیاتگن بیر پیتده یوز بېرماقده.
