یونیسف افغانستانده تۉییب-آوقت‌لنمسلیکدن اذیت چېکه‌یاتگن باله‌لرگه طبی خدمتلر کۉرسه‌تیلگنی حقیده خبر بېردی
۸صبح، کابل: بیرلشگن ملتلر تشکیلاتی‌نینگ باله‌لرنی قۉللب-قوّتلش جمغرمه‌سی (یونیسف) آغیر درجه‌ده‌گی تۉییب-آوقت‌لنمسلیکدن اذیت چېکه‌یاتگن باله‌لرگه حیاتینی سقلب قالووچی طبی خدمتلر کۉرسه‌تیله‌یاتگنینی معلوم قیلدی.
اوشبو تشکیلات، یک‌شنبه کونی، ۱۸ اسد، ایکس صحیفه‌سیده اروپا اتفاقی‌نینگ افغانستانگه بۉلگن یاردمی بیلن تۉییب-آوقت‌لنمسلیکدن اذیت چېکه‌یاتگن باله‌لر اوچون دوالش دستورلری تقدیم اېتیله‌یاتگنینی یازدی.
یونیسف آغیر درجه‌ده‌گی تۉییب-آوقت‌لنمسلیکدن اذیت چېکه‌یاتگن باله‌لر مخصوص آزیق-طعام بیلن دوالش آرقه‌لی مراقبت قیلینه‌یاتگنینی اَیتدی.
اَیتیلیشیچه، اوشبو خدمتلر باله‌لر‌نینگ ساغلیغینی یخشیلش و تۉییب-آوقت‌لنمسلیک‌نینگ هلاکتلی عاقبتلری‌نینگ آلدینی آلیش مقصدیده تقدیم اېتیلماقده.
بو حالت یونیسف اوّلراق افغانستانده بېش یاشگچه بۉلگن ۳،۷ میلیون باله آزیق-آوقت و آزیقلنیش خوفسیزلیگی‌نینگ یۉقلیگی سببلی تۉییب-آوقت‌لنمسلیک خوفی‌نینگ آرتیشیگه دوچ کېله‌یاتگنینی معلوم قیلگن بیر پیتده یوز بېرماقده.
