یونیسف افغانستانده باله‌لر، قیزلر و حامله‌دار آنه‌لرنی آذوقه‌وی مادّه‌لر بیلن تأمینله‌یاتگنی حقیده خبر بېردی
۸صبح، کابل: بیرلشگن ملتلر تشکیلاتی‌نینگ باله‌لرنی قۉللب-قۉتلش جمغرمه‌سی جمغرمه‌سی (یونیسف) باله‌لر، اۉسمیر قیزلر و حامله‌دار عیاللر اوچون ضرور آذوقه‌وی مادّه‌لرنی تأمینله‌یاتگنینی معلوم قیلدی.
مذکور تشکیلات سه‌شنبه کونی، ۱۴ میزان، ایکس صحیفه‌سیده باله‌لر‌نینگ اۉسیشی و سلامتلیگینی سقلش اوچون یېترلی آذوقه‌وی مادّه‌لر بیلن تأمینلش مهم‌لیگینی یازدی.
بیرلشگن ملتلر تشکیلاتی‌نینگ باله‌لر جمغرمه‌سی، شونینگدېک، کم‌قانلیک‌نینگ آلدینی آلیش مقصدیده باله‌لر، اۉسمیر قیزلر و حامله‌دار عیاللرگه تېمیر قۉشیمچه‌لرینی تقدیم اېته‌یاتگنینی بیلدیردی.
تېمیر و آذوقه‌وی مادّه‌لر یېتیشماوچیلیگی کم‌قانلیک‌نینگ مهم سببلریدن بیری حسابلنه‌دی و باله‌لر همده اۉسمیرلر‌نینگ اۉسیشی، سلامتلیگی و اۉرگنیش قابلیتیگه تأثیر قیلیشی ممکن.
یونیسف آذوقه‌وی قۉشیمچه‌لر و مصلحت خدمتلرینی تقدیم اېتیش آرقه‌لی ضعیف گروهلر‌نینگ، اینیقسه باله‌لر و عیاللر‌نینگ آذوقه‌وی احتیاجلرینی قاندیریشگه حرکت قیله‌یاتگنینی تأکیدله‌دی.
