یونیسف غزه‌ده‌گی انسانپرورلیک وضعیت‌نینگ آغیرلشیشی حقیده آگاهلنتیردی
بیرلشگن ملتلر تشکیلاتی‌نینگ باله‌لرنی قۉللب-قۉتلش جمغرمه‌سی (یونیسف) غزه‌ده سوو تاشقینلریدن جبر کۉرگن عایله‌لر اوچون قیشکی یاردملر یېترلی اېمسلیگی حقیده آگاهلنتیردی.
الجزیره، شنبه کونی، ۱۴- عقرب، خبر بېریشیچه، یونیسیف غزه‌گه چادرلر، پلاستیک قاپله‌مه‌لر و باله‌لر اوچون قیشکی کییم-کېچک تۉپلملرینی یوبارماقده.
شونگه قره‌مه‌ی، یونیسف‌نینگ فلسطینده‌گی علاقه‌لر بۉییچه مسؤولی توبی فریکر، اوشبو یاردملر ینه‌ده کېنگراق کۉلمده تقدیم اېتیلیشی ضرورلیگینی اَیتدی.
اونینگ سۉزلریگه کۉره، سوو تاشقینلریدن ۲۲۰ مینگدن آرتیق کیشی جبر کۉرگن و اولر‌نینگ اکثریتی‌نینگ وقتینچه‌لیک باش‌پناه‌لری ویران بۉلگن.
یونیسف‌نینگ اوشبو رسمیسی تۉرت مینگ‌گه یقین بنا قوله‌ش خوفی آستیده اېکنلیگیدن آگاهلنتیردی.
فریکر آدملر مستحکمراق باش‌پناه‌لرده یششلری کېره‌کلیگینی تأکیدله‌دی؛ چونکه بو اولر انقراضلی شرایطده اۉتکزه‌یاتگن تۉرتینچی قیش دیر.
اونینگ قۉشیمچه قیلیشیچه، تخمیناً ۴۰۰ مینگ کیشی اۉته خوفلی حدودلرده یشه‌ماقده و اولر‌نینگ یریمینی باله‌لر تشکیل اېته‌دی.
