خلق‌ارا دیابت کونی؛ جهان ساغلیقنی سقلش تشکیلاتی اوشبو کسللیکنی اېرته تشخیصلش مهم‌لیگینی تاکیدله‌دی
۸صبح، کابل: جهان ساغلیقنی سقلش تشکیلاتی‌نینگ افغانستانده‌گی وکیلی ادوین سینیزا سلوادور، خلق‌ارا دیابت «قند کسللیگی» کونی مناسبتی بیلن اوشبو کسللیکنی اېرته تشخیصلش مهم‌لیگینی تاکیدله‌دی.
سلوادور شنبه کونی، ۲۴-عقرب، کۉپچیلیک آدملر دیابتگه چه‌لینگنینی کسللیک اولر‌نینگ تنه‌سیده اسارتلر کېلتیریب چیقرگنیده‌‌گینه بیلیب قالیشلرینی اَیتدی.
او ۴۰ یاش و اوندن کتّه یاشده‌گی آدملردن قانده‌گی قند مقدارینی تېکشیرتیریش اوچون اېنگ یقین ساغلیق مرکزیگه مراجعت قیلیشلرینی سۉره‌دی.
سلوادور اۉز وقتیده تشخیص قۉییش و چاره کۉریش کۉریش قابلیتینی همده بویره‌کلر سلامتلیگینی سقلب قالیشگه یاردم بېریشینی تأکیدله‌دی.
جهان ساغلیقنی سقلش تشکیلاتی وکیلی‌نینگ قۉشیمچه قیلیشیچه، دیابتنی اېرته تشخیصلش اوشبو کسللیک‌نینگ جدّی اسارتلرینی آلدینی آلیشده مهم اهمیتگه اېگه.
