یونیسف: افغانستاندهگی زلزله‌لردن جبر کۉرگن عایله‌لرنی حمایه قیله‌میز
۸صبح، کابل: بیرلشگن ملتلر تشکیلاتی نینگ باله‌لرنی قۉللب- قوتلش جمغرمه‌سی (یونیسف) افغانستاندهگی زلزله‌لردن ضرر کۉرگن عایله‌لرنی قۉللب-قوتله‌یاتگنینی معلوم قیلدی.
یونیسف، ۱۶- جدی، سه‌شنبه کونی، ایکس صحیفه‌سیده یازیشیچه، بو یاردملر ایلیق کییم-کېچک، تازه ایچیملیک سووی، نقد پول کۉمگی همده باله‌لر اوچون وقتینچه‌لیک و ماس اۉقوو مکانلرینی تقدیم اېتیشنی اۉز ایچیگه آله‌دی، شونده ضرر کۉرگن عایله‌لر نینگ شاشیلینچ احتیاجلری قاندیریله‌دی.
اوشبو یاردملر قیش فصلی کیریب کېلیشی بیلن، زلزله عاقبتیده اوی-جاییدن ایریلگن یاکه مناسب باش‌پناه‌گه اېگه بۉلمگن عایله‌لر اوچون یشش شرایطلری نهایتده آغیرلشگن بیر پیتده عملگه آشیریلماقده.
آلدینراق هم تشکیلات افغانستان بیر وقت نینگ اۉزیده بیر نېچته انقراضلر، جمله‌دن قورغاقچیلیک، زلزله و مهاجرلر نینگ کېنگ کۉلملی قیتیشی بیلن یوزمه-یوز کېله‌یاتگنینی معلوم قیلگن اېدی.
باشقه تاماندن، خلق‌ارا مهاجرت تشکیلاتی (IOM) افغانستان هر ییلی کېتمه-کېت طبیعی آفتلرگه دوچ کېلیشینی، اقلیم اۉزگریشی اېسه مملکتده اوشبو حادثه‌لر نینگ کوچی و کۉلمینی ینه‌ده آشیره‌یاتگنینی بیلدیرگن اېدی.
