بیرلشگن ملتلر تشکیلاتی: افغان عیال یاردم خادملری موجود خوف-خطرلرگه قرهمهی فعالیتینی دوام اېتتیرماقده
۸صبح، کابل: بیرلشگن ملتلر تشکیلاتینینگ عیاللر بۉلیمی افغانستاندهگی عیال یاردم خادملری موجود خوف-خطرلر و قیینچیلیکلرگه قرهمهی، اۉز جماعهلریگه خدمت کۉرسهتیشنی دوام اېتتیرهیاتگنینی معلوم قیلدی.
اوشبو تشکیلات چهارشنبه کونی، ۲۸ اسد، ایکسدهگی صحیفهسیده افغان عیال انسانپرورلیک خادملری باشقهلرگه خدمت قیلیش و اولر یانیده بۉلیش اوچون فوق العاده اراده و قطعیتگه محتاج اېکنینی یازگن.
بیرلشگن ملتلر تشکیلاتی عیاللر بۉلیمی اوشبو عیاللر دوچ کېلهیاتگن خوفلرگه قرهمهی، هنوز اۉز جماعهلری بیلن بیرگه فعالیت یوریتهیاتگنینی قۉشیمچه قیلگن.
تشکیلات ۲۰۲۵-ییلده افغانستان شرقیده صادر بۉلگن زلزلهدن کېینگی کېتمه-کېت سیلکینیشلرگه هم اشاره قیلیب، عیال انسانپرورلیک خادملر اوشبو خوفلرگه قرهمهی خدمت کۉرسهتیشنی دوام اېتتیرگنینی بیلدیرگن.
بیرلشگن ملتلر تشکیلاتی عیاللر بۉلیمی خلقارا انسانپرورلیک کونی مناسبتی بیلن افغان عیال انسانپرورلیک خادملری و یاردم کۉرسهتووچیلرنینگ سعی-حرکتلری همده فداییلیگینی قدرلهگن.
