بیرلشگن ملتلر تشکیلاتی: اوچ آیده بیر میلیوندن آرتیق کیشی افغانستان چېگره‌لریدن اۉتگن
۸صبح، کابل: خلق‌ارا مهاجرت تشکیلاتی (IOM) ۲۰۲۶-ییل اپرېلیدن جونیگچه افغانستان‌نینگ ایران و پاکستان بیلن چېگره‌لریدن ۱،۰۷ میلیوندن آرتیق کیشی اۉتگنینی معلوم قیلدی.
اوشبو تشکیلات یک‌شنبه کونی، ۲۵-اسد، اۉزی‌نینگ اېنگ سۉنگگی حساباتیده ۲۰۲۶-ییل‌نینگ ایکّینچی تۉرت‌لیگیده جمعی ۸۶۶ مینگ ۵۷۹ کیشی افغانستانگه کیرگنینی و اولر‌نینگ ۶۸ فایزی قَیتیب کېلگنلر بۉلگنینی اَیتدی.
حساباتگه کۉره، اوشبو دورده چېگره‌لرده‌گی حرکتلر جاری ییل‌نینگ دستلبکی آیلریده نسبتاً ۲۹ فایزگه آشگن و هر بېش کیشیدن تۉرت نفری افغانستانگه کیرگن.
بیرلشگن ملتلر تشکیلاتی کۉپلب قَیتیب کېلگنلر مملکتنی ترک اېتیشگه باسیم اۉتکزیلگنی، دېپورت، ایشدن اَیریلیش و افغانستاندن تشقریده‌گی آغیر تورموش شرایطلرینی قَیتیشلریگه سبب صفتیده کۉرسه‌تگنینی اَیتدی.
خلق‌ارا مهاجرت تشکیلاتی معلوم قیلیشیچه، شو دورده ایراندن افغانستانگه کیرگنلر‌نینگ ۵۶ فایزی دېپورت قیلینگنینی اَیتگن.
شونینگدېک، پاکستاندن افغانستانگه کیرگنلر‌نینگ ۶۶ فایزی اۉزلرینی خوفسیز حس قیلمه‌گنلیکلرینی یاکه اوشبو مملکتنی ترک اېتیش اوچون باسیم آستیده بۉلگنلیکلرینی اَیتگن.
