بیرلشگن ملتلر تشکیلاتی: سۉنگگی اوچ ییل ایچیده آلتی میلیوندن آرتیق مهاجر افغانستانگه قَیتریلگن
۸صبح، کابل: بیرلشگن ملتلر تشکیلاتی‌نینگ انسان یشش دستوری (هبیتات) سۉنگگی اوچ ییل ایچیده آلتی میلیوندن آرتیق افغانستانلیک مهاجر افغانستانگه قَیتریلگنینی اَیتماقده.
اوشبو تشکیلات پنج‌شنبه کونی، ۵-سنبله، ایکس صحیفه‌سیده یازیشیچه، قَیتگن مهاجرلر‌نینگ بو سانیدن تشقری، ینه کۉپلب مهاجرلر هم قَیتریلماقده.
بیرلشگن ملتلر تشکیلاتی مناسب باش‌پناه‌گه اېگه بۉلیشنی قدر-قیمت بیلن یشه‌ش سری قۉییله‌دیگن بیرینچی قدم دېب اته‌گن.
بو حالت بیرلشگن ملتلر تشکیلاتی‌نینگ انسانپرورلیک یاردم‌لرنی موافقلشتیریش باشقرمه‌سی (اوچا) اۉتگن کون مهاجرلر و طبیعی آفتلردن جبرلنگنلر‌نینگ خوفسیز باش‌پناه‌گه بۉلگن اساسی احتیاجینی تأکیدلب، اوشبو ساحه‌ده مبلغ‌نینگ کېسکین یېتیشمسلیگی حقیده خبر بېرگن بیر پیتده یوز بېرماقده.
اوچا اوشبو ساحه‌ده‌گی بیرلشگن ملتلر تشکیلاتی تشکیلاتلری‌نینگ بودجه‌سی سۉره‌لگن ۱۶۰ میلیون دالرلیک عمومی بودجه‌دن ۱۵۳ میلیون دالر مقداریده‌گی کېسکین تقچیللیککه دوچ کېله‌یاتگنینی اَیتگن.
