بیرلشگن ملتلر تشکیلاتی: افغانستان‌نینگ اکثریت شهرلری برق تنقیصلیگیگه دوچ کېلماقده
۸صبح، کابل: بیرلشگن ملتلر تشکیلاتی‌نینگ اهالی یشه‌ش جایلری دستوری (UN-Habitat)نینگ افغانستاندهگی وکالت‌خانه‌سی افغانستان‌نینگ اکثریت شهرلری برق تنقیصلیگیگه دوچ کېله‌یاتگنینی و بو وضعیت عایله‌لر حیاتی، اقتصادی فعالیت همده یاشلر‌نینگ تعلیمیگه تأثیر کۉرسه‌ته‌یاتگنینی معلوم قیلدی.
مذکور تشکیلات دوشنبه کونی، ۲۹-سرطان کونی، ایکس صحیفه‌سیده یازیشیچه، عایله‌لر برق اوزیلیشلریگه دوچ کېلماقده، بیزنسلر ضرر کۉرماقده و یاشلر کېچه‌سی اۉز درسلری بیلن شغللنه آلمه‌یپتی.
بیرلشگن ملتلر تشکیلاتی‌نینگ اهالی یشه‌ش جایلری دستوری برقرار و چیدملی شهرلرنی برپا اېتیش اوچون، اینیقسه، قویاش انرژیسی کبی قَیته تیکلنووچی انرژی منبعلریگه سرمایه کیریتیش افغانستان اوچون مهم اېکنینی تأکیدله‌گن.
مذکور تشکیلات، شونینگدېک، افغانستان بۉییچه مخصوص تره‌ست جمغرمه‌سی (STFA) و بیرلشگن ملتلر تشکیلاتی‌نینگ اهالی یشه‌ش جایلری دستوری یاردمیده قوریلگن، قویاش انرژیسی بیلن جهازلنگن کلینیک‌نینگ صورتینی هم اعلان قیلگن.
