وست و درانی افغانستان‌گه تېگیشلی ایریم مساله‌لرنی محاکمه قیلگنلر
۸صبح، کابل: افغانستان اوچون پاکستان نینگ مخصوص نماینده‌سی آصف درانی امریکالیک همکسبی بیلن اوچره‌شگنده افغانستان‌گه عاید ایریم مساله‌لرنی محاکمه قیلگنلر.
درانی ۱۶- قوس پنج‌شنبه کونی ایکس اجتماعی ترماغیده بیر پیام نشر قیلیب، امریکا قۉشمه ایالتلری نینگ افغانستان اوچون مخصوص وکیلی توماس وست بیلن اوچره‌شیب ملاقات قیلگنی حقیده خبر بېرگن.
اونینگ سۉزلریگه کۉره، هر ایکّی مملکت نینگ نماینده‌لری بو اوچره‌شووده افغانستان نینگ تورلی مساله‌لری و اونگه نسبتن خلق ارا عکس‌المللر اوستیده بحث قیلگنلر.
شونینگدېک هر ایکّی تامان کۉپراق هماهنگلیک و همکارلیک اوستیده اورغو بیېردیلر دېب ایتگن درانی.
وست جنابلری ایکّی کوندن بېری پاکستان، قطر و عرب امیرلیکلری قۉشیمچه منطقه‌گه ینگی سفرینی باشله‌گن. او، بو سفر آقیمیده افغانستان مساله‌سیگه دایر موضوعلر اوستیده بحث قیلیشی ایتیله‌دی.
وست سه‌شنبه کونی ایکس اجتماعی ترماغیده سفردن اساسی آماج امریکانینگ کلیدی شریکلری بیلن ملاقات قیلیش همده افغانستان سیاسی، خوفسیزلیک، اقتصادی بشری مساله‌لری اوستیده هم بحث قیلیش دېب یازگن اېدی.
وست، اسلام آباد جاری ییل نوامبرنینگ بیرینچیسیدن باشلب افغانستانلیک قاچقینلرنی جبری چیقاریشنی باشله‌گن بیر پیتده پاکستان شامل بیر نېچه مملکتگه سفر قیلگینی باره‌سیده خبر بېرگن.
