وست اسلامی همکارلیکلر تشکیلاتی‌نینگ افغانستان اوچون خاص نماینده‌سی بیلن اوچره‌شدی
۸صبح، کابل: اسلامی همکارلیکلر تشکیلاتی امریکانینگ افغانستان اوچون مخصوص نماینده‌سی تام وست و بو تشکیلات نینگ افغانستان اوچون مخصوص نماینده‌سی بیلن بو مملکت مساله‌سی باره‌سیده بحث قیلگنینی بیلدیردی.
بو تشکیلات ۲۲ – قوس چهارشنبه کونی ایکس اجتماعی ترماغیده بیر پیام نشر قیلیب، وست جنابلری نینگ اسلامی همکارلیکلر تشکیلاتی نینگ خاص نماینده‌سی طارق علی بخیت بیلن اوچره‌شگنی حقیده خبر بېردی.
باشقه بیر تاماندن تام وست هم ایکس صحیفه‌سیده بیر پیام نشر قیلیب هر ایکّی تامان اوچره‌شووده افغان قاچقینلری، انسان حقوقلری، اینیقسه افغانستانلیک قیز و خاتینلر مساله‌سینی محاکمه قیلگنلرینی بیلدیردی.
عین حالده، امریکا قۉشمه ایالتلری نینگ افغانستان اوچون مخصوص نماینده‌سی جاری هفته دوشنبه کونی قطرلیک بلند مرتبه‌لی رسمیلر، بیرلشگن ملتلر تشکیلاتی مسووللری ایریم افغانلر بیلن دوحه‌ده‌گی اوچره‌شوولری توگه‌نینی بیلدیرگن اېدی.
شونینگدېک او۱۵- قوس چهارشنبه کېچه‌سی پاکستان شامل ایریم مملکتلرگه اۉن کونلیک سفرینی باشله‌گنی حقیده خبر بېرگن اېدی و سفردن اساسی مقصد امریکانینگ کلیدی شریکلری بیلن اوچره‌شیش و افغانستان سیاسی، خوفسیزلیک، اقتصادی و انسانی وضعینینی محاکمه قیلیش دېب معلوم قیلگن اېدی.
