وست: امریکا پاکستان بیلن بیرگه‌لیکده منطقه‌ده ترورچیلر برابریده تۉخته‌یدی
امریکا قۉشمه ایالتلری نینگ افغانستان اوچون مخصوص نماینده‌سی تام وست، واشنگتن پاکستان بیلن بیرگه‌لیکده منطقه‌ده ترورچیلر برابریده تۉخته‌یدی دېب ایتدی.
۹- دسامبر، سه‌شنبه کونی وست ایکس اجتماعی ترماغیده بو حقده یازیب خبر بېردی. اونگه کۉره، اسلام آبادده ایکّی کونلیک تشریفی چاغیده پاکستان تشقی ایشلر وزیرلیگی سرپرستی جلیل عباس جیلانی، اوردو باش شتبی باشلیغی جنرال سیدعاصم منیر و او مملکت نینگ افغانستان بۉییچه مخصوص وکیلی آصف درانی بیلن مهم مذاکره‌لر اۉتکزگن.
اونینگ قۉشیمچه قیلیشیچه، اوچره‌شوولرده تحرک طالبان پاکستان (تی‌تی‌پی) کېلتیریب چیقرگن جدّی خوفسیزلیک قیینچیلیکلری، شونینگدېک، افغان قاچقینلرینی حمایه قیلیش ضرورلیگی کبی مسأله‌لر محاکمه قیلینگن.
باشقه بیر تامانیدن «اسلام آباد بیلن قاچقینلرنی حمایه قیلیش، جمله‌دن، خلق ارا تشکیلاتلر بیلن همکارلیک و قاچقینلرنی حمایت قیلیش بیلن باغلیق مسأله‌لر بۉییچه یقین مناسبتلر اوچون هم منّتدارمیز»، دېب قید اېتدی او.
چارشنبه کونی کېچه‌سی وست بیر نېچه مملکت‌گه، جمله‌دن، پاکستان‌گه ۱۰ کونلیک تشریفینی اعلان قیلدی.
اونینگ تشریفیدن مقصد امریکا قۉشمه ایالتلری نینگ اساسی شریکلری بیلن اوچره‌شیش و افغانستان نینگ سیاسی، خوفسیزلیک، اقتصادی و انسانی مسأله‌لرینی محاکمه قیلیشدن عبارت.
