نېگه جهاد فقط افغانستانده فرض دیر؟
پاکستان طالبان حرکتی (تی‌تی‌پی) بیلن یقین علاقه‌سی بۉلگن بیر قنچه افغان طالبلر عسکری اوروش اوچون دیورند چیزیغی او تامانیگه کېته‌دیلر و بو گروه‌نینگ پاکستانلیک حربیلرگه قرشی عملیاتده قتنشه‌دیلر. افغانستان طالبان رهبرلری‌نینگ هماهنگلیگی‌سیز بجریله‌دیگن بو موضوع، پاکستان دولتی‌نینگ اعتراض و غضبله‌نیشیگه سبب بۉلگن. پاکستان‌گه کۉره، نیگه طالبان رهبریتی اۉز اعضاسیگه کنترولی یۉق و بولرنینگ بوزغینچلیکلریگه تۉسیق بۉلمه‌یدی. طالبلر رهبریتی بومساله‌دن ناراض حتی غضبلنگن دیر؛ چونکه هر بیر نرسه بیلن اۉینش ممکن، بووه‌نینگ سقالی بیلن اۉینش هزل اېمسلیگینی بیله‌دی. بولر پاکستان قتیق غضبلنگن حالده، آغیر تاوان تۉلشلرینی یخشیگینه بیله‌دیلر. شونینگ اوچون، طالبان مدافعه وزیرلیگی سرپرسی ملا یقعوب افغانستان‌دن تشقریده جهاد قیلیش کېره‌ک ایمسلیگی باره‌سیده بویروق بېرگن.
ایریم آدملر نیگه هر دایم جهاد افغانستانده فرض دیر؛ اگر فرض بۉلسه نېگه باشقه جایلرده فرض اېمس، طالبلرنینگ فکریچه پاکستان‌ده جهاد فرض اېمس؟ خلق‌نینگ سوالی شوکی، افغانستانده جهادنینگ کۉرسه‌تیلیشی و فرض قیلینیشیگه سبب صفتیده تیلگه آلینگن نرسه‌لر و اولر افغانستان‌نینگ اوّلگی حکومتیده تاپیلگن کمچیلیکلر دیر، لېکن اولرنینگ هر بیری بوگون پاکستان حکومتیده موجود دیر.
معلوم اېمس که طالبلر نظریدن جهادنینگ فرضیت معیاری نیمه و بو گروه نینگ رهبرلری اوشبو معیارلرنی قه‌ییردن آلگنلر. طالبلرنینگ بیر قنچه کونگیلی ساده عسکرلری، اوشبو گروه‌نینگ افغانستانده جهاد فرضیتی حقیده‌گی دلیللرنی ایشانگن اېدیلر، او دلیللر پاکستان و باشقه بیر قنچه مملکتلرگه صدق قیلیشینی کۉره‌سیز، اینیقسه بولرنینگ فکرداشی تی‌تی‌پی پاکستان‌ده عمل‌ده جهادنی باشله‌گن دیر. اولرنینگ نظریدن، اۉتمیشده افغان طالبلری‌نینگ میزبانی بۉلگن و حاضر اوروشده بۉلگن پاکستانلیک طالبلرنی یالغیز قۉییش انصافدن اېمس.
طالبلرنینگ عمل و نظری اۉرته‌سیده‌گی موجود قرمه‌قرشیلیک، بو گروه عسکرلری نینگ امیدسیزلیگی حتی بولرنینگ داعش گروهیگه قوشیلیشیگه سبب بۉلگن. باشقه بیر تاماندن، طالبان‌نینگ ایریم بۉلیملری اۉرته آسیا منطقه‌سی ایران، کشمیر و عرب دنیاسی افراطی تشکیلاتلری بیلن علاقه‌سی بار، جهادی رسالتلرینی بجریش مقصدیده اۉزلرینی چېگره او تامانلری اوچون تیارله‌یدیلر. باشقه بیر طرفده، طالبان رهبرلری امریکا قۉشمه ایالتلری هیاتی بیلن سیر و یاشیرون ملاقاتلرده افغانستان‌دن تشقری چېگره‌لرده جهاد اوچون حاضر برنامه‌لری یوقلیگنی تاکیدله‌یدیلر و همه جهادلری فقط افغانستان خلقی برابریده. اولرنینگ تاکیدله‌شیچه میلیونلب دالر بسته‌لری‌نینگ کېلیشی دواملی بولیشینی تاکیدله‌یدیلر، چونکه بو جهادنی ایلگری آلیب باریش امریکانینگ دالری‌سیز ممکن اېمس دیر.
عیناً شو وضعیتده ملا یعقوب افغانستان‌دن تشقریده‌گی جهادنی اېسکیرگن دېب اعلان قیلدی و اونی افغانستان خلقی بیلن تۉقنش کېلیش اوچون خاص دېب حسابله‌دی. بو قره‌مه - قرشی موضع‌گیرلیکلردن کۉرینیب توریبدیکی، طالبان اوّلراق اۉزلری‌نینگ اوروش و جهادلری اوچون بهانه قیلیب کۉرستگن شریعت‌نینگ عمل قیلمسلیکلری، فسادنینگ موجودلیگی، امریکا و نا‌تو بیلن علاقه‌لری و شونگه اۉخششلر دیر. خیالی و اساس‌سیز سببلر و جهادلری‌نینگ اساسی مقصدی افغانستان خلقینی باستیریش و حاکمیتنی قۉلگه کیریتیش دیر قدرت، بایلیک و کۉپراق دولتی مالی امکانیتگه اېگه بۉلیش اېکن. شونینگ اوچون، بو گروه‌نینگ رهبرلری اۉزلری نینگ اصلی دشمنی دېب بیلگن حتی امریکا بیلن دوستلیک و آغه اینیلیک قۉلینی اوزتسه، اگر پول جۉنه‌تیش دوام اېتسه و آدملرنی باستیریش قابلیبی اولردن تارتیب آلینمسه.
